Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Համայնքներ

Համայնքի մասին

Սարալանջ

Մակերես` 19.3կմ2

Բնակչություն` 1037

 

 
 

 

ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ ՍԱՐԱԼԱՆՋ ՀԱՄԱՅՆՔԻ ՎԵՐԱԲԵՐՅԱԼ

Համայնքի ներկայիս անվանումըՍարալանջ

Համայնքի պատմական անվանումները- Բաշգյուղ, Բաշգեղ
Համայնքի հիմնադրման ժամանակաշրջանը –1827-1828թթ.

Որ համայնքներին է սահմանակից համայնքըԱնուշավան, Գետափ, Փ.Մանթաշ, Նահապետավան, Հառիճ
Համայնքի մակերեսը – 142.75 հա
Հեռավորությունը մայրաքաղաքից-100կմ

 Հեռավորությունը մարզկենտրոնից -35կմ
Բնակչության թիվը – 1260

Բնակչության կազմըհայ

Համայնքի նշանավոր մարդիկ -

Կրթական հաստատություններ ընդհանուր միջնակարգ դպրոց

Մշակութային հաստատություններ մշակույթի տուն
Մարզական հաստատություններ -
Արտադրական ձեռնարկություններ -
Բնակչության հիմնական զբաղմունքըգյուղատնտեսություն, անասնապահություն, արտագնա աշխատանք

Հոգևոր կառույցներմիանավ եկեղեցի
Համայնքի մասին գրքի առկայություն - չկա

ՊԱՏՄԱԿԱՆ ԱԿՆԱՐԿ

ՀՀ Շիրակի մարզի Սարալանջ գյուղը նախկինում անվանվել է Բաշգյուղ, Բաշգեղ, Նոր Բաշգյուղ, 1946 թվականին վերանվանվել է Սարալանջ: Այն գտնվում է Արագած լեռան հյուսիս-արևմտյան ստորոտին, Արթիկ քաղաքից 5կմ դեպի արևելք, մարզկենտրոն Գյումրիից 35կմ դեպի հարավ-արևելք, մայրաքաղաքից 100կմ հեռավորության վրա, Արթիկ –Ապարան հանրապետական նշանակության ճանապարհի վրա:

Կլիման լեռնատունդրային է , ցրտաշունչ , 5-6 ամիս տևողությամբ ձմեռներով, ձնաբքերով , սառնամանիքներով, ուժեղ քամիներով: Հունվարի միջին ջերմաստիճանը կազմում է -15աստիճանից մինչև -20 աստիճան, նվազագույն ջերմաստիճանը հասնում է մինչև -36 աստիճան: Ամառը զով է , գերիշխում են հյուսիս-արևելյան քամիները, միջին ջերմաստիճանը կազմում է +12 աստիճանից մինչև +17 աստիճան, առավելագույնը  +28 աստիճան:

Սարալանջ գյուղը հիմնել են Կարինից , Կարսից , Մուշից  1828-1829թթ. ռուս –թուրքական պատերազմից հետո մինչև  1842 թ. ընկած  ժամանակաշրջանում գաղթաց հայ ընտանիքները : Գյուղի հին և նոր անվանումները կապված են գյուղի շրջապատի լեռների  հետ ունեցած  դիրքի հետ(Բաշգյուղ նշանակում է լանջագյուղ):

Գյուղում և նրա շրջակայքում պահպանվել են պատմաճարտարապետական  հուշարձաններ, որոնցից են 5-րդ  դարում  կառուցված և 19-րդ դարում  վերանորոգված միանավ եկեղեցին:

Սարալանջ գյուղի բնակելի տարածությունը կազմում է շուրջ 142.75 հա , բնակչության թիվը  1300 մարդ ,  350 տնտեսություն , հիմնական բնակիչները հայեր են: Այն գտնվում է ծովի մակարդակից 2020 մ բարձրության վրա:

Բնակիչները հիմնականում զբաղվում են գյուղատնտեսությամբ, անասնապահությամբ, ինչպես նաև  մեկնում են արտագնա աշխատանքի:

Գյուղում գյուղացիների ուժերով 1927թ. կառուցվել է  դպրոցի շենքը: Սկզբնական շրջանում  դպրոցը տվել է տարրական, , ութնամյա, իսկ 1970թ. միջնակարգ դպրոց:

Գյուղն ունի նոր միջնակարգ դպրոց, որը կառուցվել է 2000թվականին, այն նախատեսված է 360 աշակերտների համար: Դպրոցում այժմ սովորում են 152 աշակերտներ:

Գյուղն ունի նաև մշակույթի տուն, որն այժմ գտնվում է անմխիթար վիճակում և ունի հիմնովին վերանորոգման կարիք:

Գյուղապետարանին կից գործում է գրադարանը շուրջ 3635 կտոր գրքերով:

Գյուղում գործում է նաև  առաջին  օգնության  բուժական կենտրոն:

Գյուղի տարածքը սահմանակից է  Շիրակի մարզի Նահապետավան, Հառիճ, Փոքր Մանթաշ , Գետափ, Սպանդարյան, Անուշավան գյուղերի տարածքներին:

Գյուղը չունի համայնքի մասին գիրք:

Գյուղը տվել է շատ անվանի մարդիկ  ովքեր իրենց ներդրումն են կատարել  Հանրապետության  արդյունաբերության ,գյուղատնտեսության, կրթության բնագավառներում:

 

 

 
ՀՀ Շիրակի մարզ, գ. Սարալանջ
 
 
Ինդեքս՝ 3021

Հեռ` +374 098 98 98 68

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-10-21 14:30:03