Նորություններ
Առաջնահերթ խնդիրներ
21.08.2011
Առաջնահերթ խնդիրների լուծման ծրագիրը Շիրակի մարզում դեռտս ընթացքի մեջ է, պատասխանատուներն էլ աշխատանքների որակից չեն դժգոհում, 1մլրդ 320մլն դրամ գումարից 880մլն դրամի աշխատանքներ արդեն իրականացվել են: Այսինքն կատարված է ծրագրի մոտ 67տոկոսը: Մնացած աշխատանքները կավարտվեն առաջիկա երկու ամիսների ընթացքում: Ամենավերջինն այս տարվա համար նախատեսված է Մայիսյանի մշակույթի տան շինարարության ավարտը: Եվս 157մլն դրամ և Մայիսյանի կիսակառույց մշակույթի տունը լրիվ այլ տեսք է ստանալու: Աշխատանքները մեկնարկել են այս տարվա մայիսից և նախատեսվում է ավարտել նույնպես այս տարվա նոյեմբերին: Մշակույթի տան ընդհանուր մակերեսը հասնում է 700 քառակուսի մետրի, ունենանալու է խաղասենյակներ, պարի, շախմատի համար առանձնացված տարածքներ , առանձնահատուկ տեսք ունի դահլիճը, որի բարձրությունը հասնում է մոտ 6մետրի, ունի բազմանկյան տեսք, նախատեսված է 350-400հոգու համար: Շինարարի վստահեցմամբ ամեն ինչ արվում է աշխատանքներում բացթողումներ թույլ չտալու համար: Իսկ բացթողումներն ու սխալները պարտադիր ուղղվում են անմիջապես:- Դա ցանկացած շինօբյեկտում է այդպես,-վստահեցնում է մարզպետարանի քաղաքաշինության վարչության պետը: Քառաստիճան վերահսկողության պայմաններում այն է` տեխնիկական, հեղինակային, քաղաքաշինական տեսչություն եւ մարզպետարան, դրանք կարծես թե բացառվում էլ են: Ընդհանուր առմամբ 1մլրդ 320մլն-ի շրջանակներում աշխատանքներ են սկսվել 25անվանում օբյեկտներում, այդ թվում` մեկ ծրագիր է համարվում 81բազմաբնակարան շենքերի կտուրների հիմնանորոգումը: Դրանցից 72-ի նորոգման աշխատանքներն արդեն ավարտված են, մնացել է 9 կտուրներինը, որոնք ընթացքի մեջ են: Գյումրիում նորոգվել է 35 բնակելիների կտուներ Անի եւ արագած թաղամասերում: Ի դեպ այս ծրագրով ջեռուցման համակարգեր են անցկացվել մարզի 6 դպրոցներում, մասնակի նորոգման աշխատանքներ են իրականացվել 8 կրթօջախներում, ծրագիր է ընդգրկվել Գյումրու թիվ 15դպրոցի մարզադահլիճի և ճաշարանի հիմնանորոգման աշխատանքները, ինչպես նաև Գյումրու թիվ 3 արհեստագործական ուսումնարանի 19-րդ դարավերջին կառուցված մասնաշենքի կտուրն ու սանհանգույցը: Առաջնհերթ խնդիրների լուծման այս ծրագրի շրջանակներում լուծվեց կարևորագույն մեկ հարց ևս` ողջ ծրագրի իրականացման ընթացքում աշխատանքով ապահովվեց շուրջ 850 մարդ: