Շիրակի մարզպետի աշխատակազմ

Հարգելի ուսուցիչներ.

Ի սրտե շնորհավորում եմ Ձեզ ավանդաբար նշվող Ձեր մասնագիտական տոնի՝ ուսուցչի օրվա կապակցությամբ:

Հայ ժողովուրդը դարեր ի վեր խոր ակնածանքով և հարգանքով է արտասանում ուսուցիչ բառը, ինչը Ձեր մասնագիտության հանդեպ ունեցած անսահման սիրո, հարգանքի և վստահության խոսուն վկան է:

Մեր պետության վաղվա օրվա հզորությունը մեծապես կախված է Ձեր կողմից իրականացվող ամենօրյա դժվարին և պատվաբեր աշխատանքից: Տարբեր օլիմպիադաներում մեր մարզի դպրոցականների հաջողությունները մեր ուսուցչական բարձրորակ կադրերի, կրթադաստիարակչական ավանդույթների, ինչպես նաև համակարգում հայրենի կառավարության կողմից անընդհատ իրականացվող բարեփոխումների ապացույցն են: Գործընթացը շարունակական է, և մենք դեռ անելիքներ ունենք կրթական համակարգի լիարժեք բարելավման ուղղությամբ, որպեսզի ստեղծենք բարձրակարգ, և ժամանակի պահանջներին բավարարող որակյալ կրթական համակարգ:

Սիրելի ուսուցիչներ, կրկին անգամ շնորհավորելով Ձեզ ուսուցչի օրվա գեղեցիկ տոնի առթիվ՝ մաղթում եմ Ձեզ քաջառողջություն, երջանկություն և հաջողություն մատաղ սերունդ կրթելու և դաստիարակելու Ձեր պատվավոր գործում:  

 

Հարգանքով

Շիրակի մարզպետ`                                               Ա. ԳԻԶԻՐՅԱՆ