Շիրակի մարզպետի աշխատակազմ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԻՐԱՎԻՃԱԿՆԵՐԻ ՆԱԽԱՐԱՐՈՒԹՅԱՆ ՀԱՅԱՍՏԱՆԻ ՓՐԿԱՐԱՐ  ԾԱՌԱՅՈՒԹՅԱՆ

ՇԻՐԱԿԻ ՄՓՎ 2011թ. ԸՆԹԱՑՔՈՒՄ ԿԱՏԱՐԱԾ ԱՇԽԱՏԱՆՔՆԵՐԻ ՄԱՍԻՆ

 

Հաշվետու ժամանակահատվածում Հայաստանի Հանրապետության արտակարգ իրավիճակների նախարարության Հայաստանի փրկարար ծառայության Շիրակի ՄՓՎ գործունեությունն ուղղված է եղել քաղաքացիական պաշտպանության համակարգի կատարելագործմանը և արտակարգ իրավիճակներում բնակչության պաշտպանության խնդիրների իրականացմանը:

Գործունեության հիմնական ուղղություններն են եղել`

վարչության, փրկարարական և հրշեջ փրկարարական ջոկատների անձնակազմերի մարտունակության, մասնագիտական գիտելիքների և հմտությունների բարձրացումը.

-    ոլորտին վերաբերվող իրավական ակտերի իմացության ապահովումը.

-    ԱԻ կանխման, հետևանքների վերացման և դեպքերի օպերատիվ արձագանքումը.

-    արտակարգ իրավիճակներում մարզի բնակչության վարվելակերպի կանոնների իրազեկվածության.

-    կառավարման մարմինների, կազմակերպությունների, օպերատիվ ծառայությունների հետ համագործակցության բարձացումը:

Հայաստանի Հանրապետության արտակարգ իրավիճակների նախարարության Հայաստանի փրկարար ծառայության Շիրակի ՄՓՎ 2011 թվականի հիմնական միջոցառումների պլանով նախատեսված միջոցառումները կատարվել են ամբողջությամբ: Հաջորդ տարի տեղափոխվել են մարզի կազմակերպությունների նոր ՔՊ, ուժեղ երկրաշարժի դեպքում մարզի բնակչության պաշտպանության պլանների մշակումը, կապված ՀՓԾ-ից ներկայացված պլան-ժամանակացույցերի հետ:  

2011թ. ընթացքումՀայաստանիՀանրապետության «Շիրակի» մարզի տարածքումգրանցվելէ`

398  արտակարգ դեպք (2010թ.` 438), որոնց հետևանքով զոհվել է 29 (2010թ.` 34), մարմնական վնասվածքներ ստացել (վիրավորվել)` 263 մարդ (2010թ.` 302):

Այսպիսով, 2011թ. ընթացքում մարզում 2010թ. համեմատությամբ գրանցված արտակարգ դեպքերն նվազել են 40-ով կամ 9,1%-ով, զոհերի թիվը նվազել է 5-ով կամ 14,7%-ով, իսկ վիրավորների թիվը նվազել է 39-ով կամ 12,9%-ով:

Գրանցված դեպքերից`

335-ը`տեխնածինեն, որը կազմում է ընդհանուր դեպքերի 84,2%-ը (2010թ.` 354 դեպք, 80,8%-ը), որոնց հետևանքով զոհվել է 18 մարդ, ընդհանուր զոհերի` 62%-ը (2010թ.`26 մարդ, կամ 76,5%), վիրավորվել` 205 մարդ, ընդհանուր տուժածների` 78%-ը (2010թ.` 197 մարդ, կամ 65,2%): Տեխնածին բնույթի արտակարգ դեպքերը նվազել են 19 դեպքով կամ 5,4%-ով, զոհերի թիվը նվազել է 8-ով (30,8%)-ով, վիրավորներինը` աճել է 8-ով, կամ 4,1%-ով: Գրանցված տեխնածին արտակարգ դեպքերից 170-ը (50%) հրդեհի դեպքերն են (2010թ.` 198-ը, 55,9% ), հրդեհների թիվը մարզում նվազել է 28-ով (14,1%): Հրդեհների հետևանքով զոհվել է 1 մարդ, ընդհանուր զոհերի` 5,5%-ը (2010թ.` 2 կամ 7,7%), վիրավորվել` 7 մարդ, ընդհանուր տուժածների 3,4%-ը (2010թ.`2, կամ 1%): Հրդեհների հետևանքով զոհերի թիվը նվազել է  1-ով կամ (50%-ով), վիրավորներինը աճել է` 5-ով, (250%-ով):

- 17-ը`տարերայինեն, որը կազմում է ընդհանուր դեպքերի 4,3%-ը (2010թ.` 13դեպք, 3%), որոնց հետևանքով 2010թ. և 2011թ.-ին զոհեր և վիրավորներ չեն արձանագրվել:  

- 46-ը`սոցիալ-կենցաղայինեն, որը կազմում է ընդհանուր դեպքերի 11,5%-ը (2010թ.` 71դեպք, 16,2%-ը), որոնց հետևան­քով զոհվել է 11 մարդ, կամ ընդհանուր զոհերի 37,9%-ը (2010թ.` 8, կամ 23,5%), վիրավորվել` 58 մարդ, կամ ընդհանուր տուժածների 22%-ը (2010թ.`105, կամ 34,8%): Սոցիալ-կենցաղային արտակարգ դեպքերն նվազել են 25-ով (35,2%): Սոցիալ-կենցաղային արտակարգ դեպքերից զոհերի թիվն ավելացել է 3-ով, (37,5%), վիրավորներինը նվազել է`  47-ով, (44,8%):

Հաշվետու ժամանակաշրջանում ՀՀ ԱԻՆ ՀՓԾ Շիրակի ՄՓՎ ստորաբաժանումների կողմից արտակարգ դեպքերի հետևանքների վերացման համար իրականացվել է`  206 ելք (2010թ.` 239), որից 170` հրշեջ փրկարարական ջոկատների կողմից, 36` փրկարարական ջոկատի կողմից:

2011թ. գրանցվել է հրդեհների առաջացման վերաբերյալ 186   ահազանգ (2010թ.` 256), որից հրդեհ է գրանցվել 166 դեպքում (2010թ.` 198), իսկ նյութական վնաս է հասցվել 81 դեպքում (2010թ.` 99-ում):

2 դեպքում (ահազանգերի 1,1%-ը) գրանցվել է կեղծ ահազանգ (2010թ.` 5, 1,9%-ը), 8 դեպքում` հսկվող կրակ (2010թ.` 42), 8 դեպքում (ահազանգերի 4,3%-ը) առաջացել է հրդեհի ծագման սպառնալիք (2010թ.`1, 0,4%-ը):

Հրդեհների 55 դեպք (33,1%-ը) ծագել է բնակելի շինություններում (2010թ.` 81, կամ 41%-ը): Վերլուծությունները ցույց են տալիս, որ 2010թ. համեմատ, 2011 թվականին` ըստ ամիսների, մարտ-մայիս` հրդեհները հիմնականում նվազում էին: Սակայն հուլիս ամսից սկսած չոր և շոգ եղանակի պատճառով գրանցվեց խոտածածկ տարածքների հրդեհների կտրուկ աճ և գրանցվեց 88 հրդեհ, որից 38-ը խոտածածկ տարածքներում` այսինքն ծագած հրդեհների 22,9%-ը:

Հաշվետու ժամանակահատվածում արձանագրվել է ջրահեղձման 5 դեպք (2010թ.`4):

-    2011 թ.-ին ջրահեղձման 1 դեպք արձանագրվել է Ձորաշեն և 1 դեպք` Արեգնադեմ գյուղական համայնքների լճակներում, իսկ 3 դեպքերը` արձանագրվել են Վահրամաբերդ համայնքի ջրային տարածքում:

-    2010 թ.-ին ջրահեղձման 4 դեպքերը համապատասխանաբար արձանագրվել են` 1 դեպք` Կառնուտի ջրամբարում, 1 դեպք` Գյումրի-Ղարիբջանյան ճանապարհի աջակողմյան ջրային տարածքում, իսկ 2 դեպքերը նորից` Վահրամաբերդ համայնքի արհեստական լճակում:

Ջրհահեղձման դեպքերի վերլուծությունը ցույց է տալիս, որ դեպքերը կրկնվել են Վահրամաբերդ համայնքի ջրային տարածքում, որից ելնելով անհրաժեշտ է 2012թ.-ին ուժեղացնել հսկողությունը հատկապես նշված համայնքի ջրային տարածքում:

Շիրակի ՄՓՎ-ն անձնակազմից 2 խումբ, 31 փրկարար ծառայողներ` հոկտեմբերի 5 - 7-ը և 12 – 13-ը ՀՓԾ կազմում մասնակցել են Տավուշի մարզում որոնողափրկարարական աշխատանքներին, կապված հոկտեմբերի 2-ին տեղի ունեցած սողանքի հետ:

Հաշվետու ժամանակաշրջանում մարզի բնակչության պաշտպանության համակարգի օպերատիվ նախապատրաստման ուղղությամբ պլանավորվել և անցկացվել են հրամանաշտաբային, շտաբային ուսումնավարժու­թյուններ, օբյեկտային վարժանքներ, հատուկ-տակտիկական վարժանքներ: Բոլոր անցկացրած վարժանքները ընդգրկել են ինչպես քաղպաշտպանության և բնակչության պաշտպանության ոլորտների հիմնարար հարցերը, այնպես էլ մարզի  բնակչության պաշտպանության համակարգի օպերատիվ նախապատրաստման խնդիրները:

Շիրակի ՄՓՎ կողմից անցկացվել է`

-    ՀՇՈՒ «Ուժեղ երկրաշարժի դեպքում բնակչության պաշտպանության կազմակերպումը և հետևանքների վերացումը» թեմայով.

-    ՇՈՒ «Քաղաքացիական պաշտպանության միջոցառումների կազմակերպումն ու իրականացումը մարզում ՔՊ համակարգի պատրաստականության բերման ժամանակ և հակառակորդի հարձակումից հետո» թեմայով.

-    ցուցադրական ՀՏՈՒ «Որոնողափրկարարական աշխատանքների կազմակերպումը հրդեհի օջախի առկայությամբ» թեմայով:

Շիրակի ՄՓՎ օպերատիվ խումբը մասնակցել է ՀՓԾ-ում անցկացված «ՀՀ ԱԻՆ ՀՓԾ անձնակազմի գործողությունները ՀԱԷԿ-ի միջուկային և (կամ) ճառագայթային վթարի դեպքում» և «ՀՓԾ անձնակազմի գործողությունները ուժեղ երկրաշարժի դեպքում» թեմաներով ՇՈՒ-ներին:

ՔՊ միջազգային օրվա և ԱԻՆ աշխատակցի օրվա կապակցությամբ փրկարար ջոկատի կողմից անցկացվել են 1-ական օբյեկտային վարժանքներ` Ախուրյանի կաթնամթերք «Վան» ՍՊԸ-ում և Գյումրիի պետական մանկավարժական ինստիտուտում իսկ ՀՓՋ-ների կողմից ըստ սպասարկման տարածքների անցկացվել են թվով 14 օբյեկտային վարժանքներ, որոնք ուղեկցվել են նաև դասախոսություններով:

Մարզի թվով 30 գյուղական համայնքներում անցկացվել են ՇՈՒ-ներ, որոնցից «Բնակչության պաշտպանության միջոցառումների կազմակերպումը ձնաբքի դեպքում» թեմայով` 10 համայնքներում, «Բնակչության պաշտպանության միջոցառումների կազմակերպումը երկրաշարժի դեպքում» թեմայով` 20 համայնքներում: Բոլոր 30 համայնքների ղեկավարներին ցույց է տրվել մեթոդական օգնություն իսկ անցկացմանը մասնակցել են տարածքը սպասարկող ՀՓՋ-ների հրամանատարները:

Մարզի 8 կազմակերպություններում անցկացվել են ՀՏՈՒ-ներ, որոնց ղեկավար կազմին ցույց է տրվել մեթոդական օգնություն:

Անցկացված բոլոր ուսումնավարժությունները ամփոփվել են, հայտնաբերված թերություններն արձանագրվել են և տրվել են առաջարկություններ դրանց վերացման համար:

 

ՔԱՂԱՔԱՑԻԱԿԱՆ ՊԱՇՏՊԱՆՈՒԹՅԱՆ ՀԱՄԱԿԱՐԳԻ ՆԱԽԱՊԱՏՐԱՍՄԱՆ ՈՒՂՂՈՒԹՅԱՄԲ

2011թ. ընթացքում քաղաքացիական պաշտպանության համակարգիկատարելագործման նպատակով մշակվել և հաստատվել է «ՀՀ Շիրակի մարզի քաղաքացիական պաշտպանության պլանը», մշակվել և սահմանված կարգով հաստատվել են մարզի թվով 116 գյուղական և 2 քաղաքային համայնքների նոր ՔՊ պլանները, ինչպես նաև մարզի թվով 7 սպորտային կազմակերպությունների ՔՊ պլան և պլան-ժամանակացույցերը :

Աշխատանքներ են իրականացվել պլանների լրամշակման ուղղությամբ: 2011թ. ընթացքում լրամշակվել և ճշգրտվել է թվով 3 պլաններ, այդ թվում <<Հայաստանի հանրապետության Շիրակի մարզի վտանգավոր տարածքներից բնակչության տարահանման>>, << Հայաստանի հանրապետության Շիրակի մարզի տարածքի ԱԻ առաջացման դեպքում ստեղծվող իրավիճակի և դրա սպառնալիքի դեպքում (կանխարգելման, զգուշացման) կամ հետևանքների վերացման ժամանակ գործողությունների>>, <<Հայկական ատոմային էլեկտրակայանի միջուկային և (կամ) ճառագայթային վթարի դեպքում Հայաստանի հանրապետության Շիրակի մարզային տարահանման հանձնաժողովի>> պլանները, ինչպես նաև մշակվել է <<Հայկական ատոմային էլեկտրակայանի միջուկային և (կամ) ճառագայթային վթարի դեպքում Շիրակի մարզային փրկարարական վարչության անձնակազմի գործողությունների հրահանգը>> :

ՈՒսումնասիրվել և ճշգրտվել են մարզի քաղպաշտպանության կազմավորումների, դրանց անձնակազմի թվաքանակի և հագեցվածության, ՔՊ ինժեներական պաշտպանական կառույցների, բնակչության անհատական պաշտպանության միջոցներով ապահովվածության վերաբերյալ տվյալները:

Մարզում հաշվառված թվով 32 ապաստարաններից կապիտալ վերանորոգման է ենթակա 12-ը, մասնակի վերանորոգման՝ 9-ը, դուրս գրման՝ 11-ը:

Սպիտակի երկրաշարժից հետո մարզի ապաստարանները եւ եւ հակաճառագայթային թաքստոցները չեն համապատասխանում ԻՏՄ նորմերին, բայց եղածը պահպանելու նպատակով մարզի կազմակերպությունների հետ իրականացվել է «Քաղաքացիական պաշտպանության կառույցի եւ գույքի պահպանության մասին» պայմանագրերի կնքման աշխատանքներ և գործընթացը արդեն ավարտված է:

Շիրակի մարզային տարահանման հանձնաժողովը ստեղծվել է ՀՀ Շիրակի մարզպետի 2010 թվականի նոյեմբերի 24-ի N133 որոշմամբ, հանձնաժողովի նախագահը` մարզպետի տեղակալն է, իսկ հանձնաժողովի նախագահի տեղակալը` ՇՄՓՎ ԲՊ բաժնի պետը: Հանձնաժողովի կազմում ընդգրկված են ներկայացուցիչներ ՀՀ Շիրակի մարզպետարանի աշխատակազմից և մարզային այլ ծառայություններից: ՈՒսումնավարժությունների ընթացքում հաճախ է իրականացվում բնակչության տարահանում, հատկապես, ջրածածկման վտանգավոր տարածքներից և հիմնականում բնակչության տարահանումը իրականացվել է բավարար մակարդակով, իսկ տարահանված բնակչության համակողմանի կենսաապահովումը, դեռևս, լուծելու խնդիր է :

ԿԱՊԻ ԵՎ ԱԶԴԱՐԱՐՄԱՆ ՀԱՄԱԿԱՐԳ

Կապը մարզում Շիրակի ՄՓՎ կողմից իրականացվում է քաղաքային, բջջային հեռախոսակապով, ինչպես նաև թվով 9 ստացիոնար, 40 ձեռքի և 19 շարժական ռադիոկապի միջոցներով: Ներկայումս, մարտկոցների շարքից դուրս գալու պատճառով չեն աշխատում ձեռքի թվով 4 ռադիոկապի միջոցներ, անսարք է նաև 1 շարժական ռադիոկապի միջոց:

Մարզում բնակչության ազդարարումն իրականացնելու նպատակով անհրաժեշտ է թվով 168 C-40 տիպի էլ.շչակ, իսկ առկա են ընդամենը 53-ը, որից սարքին է 29-ը, անսարք` 24-ը, պակասում է 114-ը: Անհրաժեշտ է 168 <Ա> բլոկ, առկա է 53` բոլորը սարքին:

 

ԿԱՆԽԱՐԳԵԼԻՉ ՄԻՋՈՑԱՌՈՒՄՆԵՐԻ ԻՐԱԿԱՆԱՑՈՒՄ

2011 թվականի ընթացքում աշխատանքներ են իրականացվել կանխարգելիչ միջոցառումների ուղղությամբ :

2011թ-ի գարնանային վարարումների ժամանակահատվածում մարզի տարածքում հեղեղումների կանխարգելման, հետևանքների նվազեցման և վերացման միջոցառումների պլանով և պլանից դուրս, թվով 17 համայնքների (Գյումրի, Արթիկ, Մարալիկ, Ամասիա, Ախուրյան, Աշոցք, Ազատան, Արևշատ, Անուշավան, Պեմզաշեն, Վարդաքար, Շիրակ, Ղարիբջանյան, Փանիկ, Ջաջուռ, Հացիկ, Արևիկ) և «Շիրակ ջրօգտագործման ընկերության» կողմից իրականացվել են հեղեղատարների առավել վտանգավոր, ընդհանուր 6900 մ երկարությամբ հատվածների հուների մաքրման և ամրացման աշխատանքներ, որոնք բավականին մեծ չափով նվազեցրին հեղեղումների հետևանքները:

2011թ-ի գարնանային վարարումների ժամանակահատվածում մարզում ձնածածկույթի հալոցքային ջրերից և տեղացած հորդառատ անձրևներից համայնքամիջյան սելավատարների հորդացման թվով 2 դեպք է արձանագրվել` Արթիկ քաղաքում և Կամո համայնքում:

Մարզում իրականացվել են նաեւ գետերի, հեղեղատարների եւ ջրանցքների հուների վտանգավոր տեղամասերի ուսումնասիրման աշխատանքներ Շիրակի մարզային փրկարարական վարչության եւ ՀՀ Շիրակի մարզպետարանի աշխատակազմի քաղաքաշինության, գյուղ.տնտեսության և բնապահպանության վարչությունների, ՀՀ ՏԿՆ Ջրային տնտեսության պետական կոմիտե «Ախուրյանի Արաքս-ջրառ» ՓԲԸ –ի, Շիրակի «ՋՕԸ»-ի հետ համատեղ: ՈՒսումնասիրման արդյունքում թվով 11 գետերի և 15 հեղեղատարերի հուների մաքրման, ափապաշտպան պատերի գաբիոններով ամրացման աշխատանքների ծավալների վերաբերյալ տեղեկությունները ներկայացված են ՀՀ Շիրակի մարզպետին և ՀՀ ԱԻՆ ՀՓԾ ԲՏՊՎ:

2011թ-ի փետրվարի 7-ին մարզի Առափի համայնքի արևմտյան հատվածում տեղի էր ունեցել սողանքային երեւույթների ակտիվացում, հողաշերտերի տեղաշարժ: Վարչության կողմից իր իրավասության սահմաններում կատարվել են որոշակի միջոցառումներ սողանքային հատվածում հայտնված բնակչության պաշտպանության ուղղությամբ: Խնդրի կարգավորման հարցով տեղեկացվել է ՀՀ Շիրակի մարզպետը և ՀՀ ԱԻՆ ՀՓԾ տնօրենը: ՀՀ Շիրակի մարզպետի կողմից, Առափի համայնքի հակասողանքային միջոցառումների մշակման եւ իրականացման խնդրով դիմում է հղվել ՀՀ քաղաքաշինության նախարարին:

ՀՀ Կառավարության 2011թ-ի փետրվարի 3-ի թիվ 108-Ն որոշումով ՀՀ 2011թ-ի պետական բյուջեից 44 մլն. դրամ գումար է հատկացվել Առափի համայնքի սողանքային գոտում գտնվող առավել վթարային բնակելի տներում բնակվող թվով 11 ընտանիքների բնակարանային խնդիրների լուծման նպատակով:

 

 

Հաշվետու ժամանակահատվածում ամենօրյա աշխատանքներ են իրականացվել փրկարարական ուժերի  և տեխնիկայի մշտական մարտական պատրաստականության պահպանման ուղղությամբ:

Հաշվետու տարում հրշեջ-փրկարարական ջոկատներում, հրդեհավտանգ և կարևորագույն օբյեկտներում անցկացվել են հատուկ-տակտիկական ուսումնավարժություններ, ինչպես նաև կազմակերպվել և անցկացվել են հրշեջ ավտոմեքենաների շահագործման վերաբերյալ դասընթացներ ՀՓՋ-ի հերթափոխի պետերի կողմից:

-    Գյումրիի թիվ 1 ՀՓՋ – 11 հատ

-    Գյումրիի թիվ 2 ՀՓՋ –37 հատ

-    Արթիկի ՀՓՋ – 6 հատ

-    Անիի ՀՓՋ – 12 հատ

-    Ախուրյանի ՀՓՋ – 9 հատ

-    Ամասիայի ՀՓՋ – 11 հատ

-    Աշոցքի ՀՓՋ – 14 հատ

 

-    Գյումրիի թիվ 1 ՀՓՋ – 7 հատ

-    Գյումրիի թիվ 2 ՀՓՋ –6 հատ

-    Արթիկի ՀՓՋ – 9 հատ

-    Անիի ՀՓՋ – 5 հատ

-    Ախուրյանի ՀՓՋ – 3 հատ

-    Ամասիայի ՀՓՋ – 7 հատ

-    Աշոցքի ՀՓՋ – 5 հատ