Շիրակի մարզպետի աշխատակազմ

Հարգելի թատերական գործիչներ, թատերական արվեստի երկրպագուներ.

Ընդունեք իմ ջերմ շնորհավորանքներն ու բարեմաղթանքները թատրոնի միջազգային օրվա կապակցությամբ: Թատրոնը մշտապես իր ուրույն ու առանձնահատուկ տեղն է գրավել հայ ժողովրդի հոգևոր-մշակութային և հասարակական կյանքում: Հայ թատրոնի բազմադարյա պատմության մեջ Վ. Աճեմյանի անվան պետական դրամատիկական թատրոնն ունի իր մնայուն տեղը՝ հանդիսանալով թատրոնի լավագույն ավանդույթների շարունակողը, նրա դերասանական կազմի նվիրվածության շնորհիվ, թատերասերներին մատուցելով բարձրարվեստ ներկայացումներ: Յուրաքանչյուր թատերաշրջան ոչ միայն իրադարձություն է, այլ յուրահատուկ ստեղծագործական հաշվետվություն Ձեր տաղանդի երկրպագուների առջև:  

Բարու, գեղեցիկի և հայրենասիրության ոգով բազում սերունդներ են դաստիարակվել նաև Գյումրու Ս. Ալիխանյանի անվան տիկնիկային թատրոնում բեմադրված ներկայացումների շնորհիվ:

 Կրկին շնորհավորելով թատրոնի բոլոր նվիրյալներին թատրոնի միջազգային օրվա կապակցությամբ ցանկանում եմ քաջառողջություն, երջանկություն և նորանոր ստեղծագործական հաջողություններ: