Շիրակի մարզպետի աշխատակազմ

ՈՒՂԵՐՁ ՇԻՆԱՐԱՐԻ ՕՐՎԱ ԱՌԹԻՎ

 

Հարգելի շինարարներ.

Շնորհավորում եմ Ձեզ մասնագիտական տոնի՝ Շինարարի օրվա կապակցությամբ:

Դարեր ի վեր շինարարի մասնագիտությունը եղել, և շարունակում է մնալ ամենահարգվածը: Շիրակցի շինարարն ի հեճուկս բնության տարերքների, անընդհատ կառուցել և շարունակում է շենացնել իր հարազատ օրրանը:

Հարգարժան շինարարներ.

Շնորհիվ Ձեզ, այսօր մարզում շարունակվում են կառուցվել նոր բնակելիներ, շենք-շինություններ, առողջապահական կառույցներ ու ճանապարհներ:   Ձեր աշխատանքը կրկնակի է արժեվորվում, քանզի այսօր արդեն, Գյումրեցի հարյուրավոր անօթևան ընտանիքներ են անհամբեր սպասում շինարարական աշխատանքների ավարտին, տարիներ անց, իրենց գլխավերևում տանիք ունենալու ակնկալիքով:

Կառավարության կողմից տրամադրվող միջոցների հաշվին, յուրաքանչյուր տարի կառուցապատման նոր թափ է տրվում մեր մարզին, և ամեն մի վեր խոյացող շենք յուրովի կանցնի պատմության գիրկը, կապրի դարեդար և սերունդներին կփոխանցի կառուցող ու երկիր շենացնող շինարարի անունն ու համբավը:

Կրկին անգամ շնորհավորելով Ձեզ մասնագիտական տոնի առթիվ ցանկանում եմ Ձեզ քաջառողջություն, երջանկություն, որակով և հուսալի նորանոր կառույցներ:

 

 ՀՀ ՇԻՐԱԿԻ ՄԱՐԶՊԵՏ                               Ա. ԳԻԶԻՐՅԱՆ