Շիրակի մարզպետի աշխատակազմ

 

Օգոստոսի 29-ին Գյումրու Վ.Աճեմյանի անվան պետական դրամատիկական թատրոնի ճեմասրահում մեկնարկեց ՀՀ աշխատանքի և սոցիալական հարցերի նախարարության <<Զբաղվածության պետական ծառայություն>> գործակալության ՀՀ պետական բյուջեի ֆինանսավորմամբ կազմակերպված թվով 5-րդ ԱՇԽԱՏԱՆՔԻ ՏՈՆԱՎԱՃԱՌԻԸ:  տոնավաճառին մասնակցում էին ՀՀ Շիրակի մարզպետի տեղակալ Հարություն Արշակյանը, ԱԺ պատգամավոր Սուքիաս Ավետիսյանը, <<Զբաղվածության պետական ծառայություն>> գործակալության ղեկավար տիկին Սոնա Հարությունյանը, Ավստրիայի զբաղվածության հանրային ծառայության պետ Վերներ Շելինգը:

Գործազրկության մակարդակը ՝  համաձայն զբաղվածության Շիրակի մարզային կենտրոնի տյվալների` մարզում 10.05 % , ք. Գյումրի 14.7 % :

Այսպիսին է գործազրկության վիճակը մարզում: Թվերն իհարկե, ինչպես նշեցին զբաղվածության կենտրոնի տնօրեն տիկին Ամալյա Ադամյան, այնպես էլ  ՀՀ <<Զբաղվածության պետական ծառայություն>> գործակալության պետ տիկին Սոնա Հարությունյանը  վերջնական չեն, մշակման փուլում են, և հետևաբար նաև ենթակա են փոփոխման: Հասկանալի է, որ որքան էլ փոփոխման ենթակա լինեն, միևնույնն է գործազրկության բարձր մակարդակը դրանից չի նվազելու: - Այո, մեկ տոնավաճառով հնարավոր չէ լուծել գործազրության խնդիրն ամբողջությամբ, առավել ևս միամտություն կլիներ այդպես մտածելը, ասում է տիկին Հարությունյանը: Բայց, որ այն լավ առիթ է թե գործատուի, և աշխատանք փնտրողի համար, դա փաստ է: -Այս տարի տոնավաճառին մասնակցելու հայտ են ներկայացրել 33 գործատու, ասում է զբաղվածության Շիրակի մարզային կենտրոնի ղեկավար տիկին Ամալյա Ադամյանը: Ցավոք, և միևնույն ժամանակ անհասկանալի է դառնում աշխատանք փնտրողի մերժողական հոգեբանությունը, - պայմանները ձեռք չեն տալիս, փողը քիչ է, աշխատանքը հարմար չէ, դժգոհում են աշխատանք փնտրողները, բայց և դժգոհում որ աշխատանք չկա: -Այո, կան երբեմն ծայրահեղության հասնող պահանջներ ներկայացնող գործատուներ, բայց ոչ բոլորը, և ոչ միշտ: Ավստրիայի զբաղվածության հանրային ծառայության պետ Վերներ Շելինգը, իր ելույթում անկեղծ խոստովանեց, որ նման բան նախկինում չի տեսել, և հետևաբար չի պատկերացնում դրա արդյունավետությունը, բայց խոստացավ փորձել մեկ անգամ: Ինչ վերաբերվում է կոնկրետ գործատու –աշխատանք փնտրողին, նշեց, - որ երբեք լավ գործատուն չի փնտրի վատ աշխատող, իսկ վատ աշխատողը չի գնա լավ գործատուի մոտ, պարզապես աշխատաշուկան անկախ ամեն ինչից ունի իր գրված և չգրված օրենքները, որոնք պետք է խստագույնս պահպանել: Ինչևէ, կայացավ մեկ տոնավաճառ ևս, թե որքան աշխատատեղ կբացվի այս տոնավաճառից հետո ցույց կտա ժամանակը, միայն տխուր փաստը մնում է փաստ, որ  զբաղվածության կենտրոնում ներկայացված 184 թափուր աշխատատեղեր, անհասկանալի կերպով չեն գտնում իրենց տերերին, ովքեր մշտապես բողոքում են աշխատատեղեր չլինելուց, և օրվա հացը դժվարությամբ հայթայթելուց: