Շիրակի մարզպետի աշխատակազմ

Հարգելի հայրենակիցներ.  

 

Ընդունենք իմ ամենաջերմ շնորհավորանքներն ու բարեմաղթանքները Հայաստանի Հանրապետության Անկախության 21-րդ տարեդարձի կապակցությամբ:

 Հայ ժողովուրդն առաջնորդվելով արժանապատվության վեհ գաղափարով 21 տարի առաջ Հայաստանը հռչակեց անկախ, ինքնիշխան պետություն:

Հայաստանի Հանրապետությունն ընտրեց ժողովրդավարական պետության կառուցման համակարգը և աշխարհի քաղաքակիրթ պետությունների և ժողովուրդների հետ համաքայլ ընթանալու, մեր հասարակության համար գոյության ու ապագայի հուսալի երաշխիքներ ստեղծելու, մեր ինքնությունը պահպանելու և ազգային նվիրական իղձերն իրագործելու ճանապարհը:

Այս նշանակալի իրադարձության օրը շնորհավորում եմ բոլորիս և խոնարվում անկախության նահատակների սուրբ հիշատակի առջև:

Համոզված եմ, որ անցած դժվարին ճանապարհի ձեռքբերումները միասնական ջանքերով մենք կկարողանանք պահպանել, դրանց հավելել նորերը և դիմակայել բոլոր մարտահրավերներին:

Այս տոնական օրը մեր ժողովրդին ցանկանում եմ անամպ երկինք, երջանկություն, ստեղծագործ աշխատանք՝ հանուն մեր անկախ Հայաստանի զարգացման ու հզորացման:

Հարգանքով՝   Ա.ԳԻԶԻՐՅԱՆ