Շիրակի մարզպետի աշխատակազմ

Հարգելի ուսուցիչներ.

Այսօր, ավանդաբար նշվող Ձեր մասնագիտական տոնի՝ Ուսուցչի օրվա կապակցությամբ ընդունեք իմ շնորհավորանքներն ու ամենաջերմ բարեմաղթանքները:

Մասնագիտական տոները հրաշալի առիթ են ջերմ բարեմաղթանքներ հղելու ոլորտի ներկայացուցիչներին, արժևորելու նրանցից յուրաքանչյուրի ներդրումը երկրի առաջընթացի գործում և երախտագիտության ջերմ խոսք հնչեցնելու:

Ուսուցչի գործը հայ ժողովրդի համար միշտ էլ եղել է ամենահարգված մասնագիտություններից մեկը, ինչը խոսում է դարեր ի վեր այդ մասնագիտության հանդեպ մեր ազգի ունեցած անսահման սիրո և վստահության մասին:

Մեր պատմության ողջ ընթացքում, սերունդները պաշտպանեցին մեր գիրն ու գրականությունը: Անցնելով բազում դժվարությունների  ու փորձությունների միջով, հայ մանուկը, մեր երկրի վաղվա տերը, Ձեր տված գիտելիքներով հայեցի կրթություն ու դաստիարակություն է ստանում: Շիրակի մարզի դպրոցականների մշտապես հաջողությունները հանրապետական և միջազգային առարկայական մրցույթներին խոսում են մեր ուսուցչական բարձրորակ կադրերի, կրթադաստիարակչական ավանդույթների ու նաև կրթական համակարգը ժամանակակից պահանջներին համապատասխանեցնելու մասին:    

Սիրելի ուսուցիչներ՝ կրկին շնորհավորելով Ձեզ ուսուցչի օրվա առթիվ՝ ցանկանում եմ, որ բոլորիս ուշադրության կենտրոնում միշտ լինի կրթական գործը, ուսուցիչը և աշակերտը, ինչից միայն կշահի մեր պետությունն ու ժողովուրդը:

Մաղթում եմ Ձեզ քաջառողջություն, երջանկություն և հաջողություններ Ձեր պատվաբեր աշխատանքում:

 

ՀԱՐԳԱՆՔՈՎ՝      Ա. ԳԻԶԻՐՅԱՆ