Շիրակի մարզպետի աշխատակազմ

 

Սիրելի ուսանողներ.

Ընդունեք իմ ամենաջերմ բարեմաղթանքներն ու շնորհավորանքները ՈՒսանողների միջազգային օրվա կապակցությամբ։

 Յուրաքանչյուր մարդու համար ուսանողական տարիներն ամենահետաքրքիր իրադարձություններով հագեցված ժամանակահատված է: Այդ ընթացքում է ձևավորվում մեր ապագա քաղաքացին և որակյալ մասնագետը: Մեր ժողովուրդը միշտ գնահատել ու գնահատում է խորագիտակ բանիմաց մարդու համբավ ունեցող անհատներին, որոնք մեր այսօրվա ուսանողներն են՝ վաղվա պետական գործիչներն ու մտավորականները: Դա խոսում է կրթության հանդեպ մեր ազգի ու պետության ունեցած անսահման սիրո ու վստահության մասին։

Ուսանողների խնդիրները, նրանց ապագան էլ ավելի բարեկեցիկ դարձնելու հարցերը մշտապես գտնվում են մեր կառավարության ուշադրության ներքո, ինչի ապացույցն է պետության նախաձեռնությամբ պարբերաբար կազմակերպվող երիտասարդական հավաքները, տարաբնույթ և բազմաբովանդակ միջոցառումները։  

Կրկին շնորհավորելով Ձեզ այս գեղեցիկ տոնի առթիվ՝ ցանկանում եմ քաջառողջություն, երջանկություն կրթական ու գիտական նոր ձեռքբերումներ ի նպաստ մեր պետության հզորացման ու զարգացման:

                        

ՇԻՐԱԿԻ ՄԱՐԶՊԵՏ՝                          Ա. ԳԻԶԻՐՅԱՆ