Շիրակի մարզպետի աշխատակազմ

   1988 թվականի դեկտեմբերի 7-ին Հայաստանի հյուսիսային և հյուսիսարևելյան շրջաններում տեղի ունեցած երկրաշարժից անցել է 24 տարի: Բնության տարերքի հասցրած ավերածությունների հետքերը, հազարավոր անմեղ զոհերի հիշատակն ու մեզ բաժին հասած դառնությունները շարունակում են ապրել մեր հոգիներում:  

       Այսօր, ավերիչ երկրաշարժի տարելիցի օրը, կրկին ու կրկին գլուխ խոնարհելով բոլոր անմեղ զոհերի հուշակոթողին, ուզում եմ մեր բոլորի անունից երախտիքի խոսք հղել բոլոր նրանց, ովքեր տարիներ շարունակ օգնել են մեզ վերացնելու աղետի հետևանքները: Անգնահատելի է հատկապես Հայաստանի Հանրապետության Նախագահի և կառավարության աջակցությունը Շիրակի մարզին աղետի հետևանքների վերացման հարցում, ում շնորհիվ 1756 անօթևան Գյումրեցի այս տարի ևս նշեցին բնակարանամուտ, ինչի արդյունքում մենք հետզհետե ձերբազատվում ենք ժամանակավոր կացարաններից և հատկապես անօթևանության խնդրից: Վստահ ենք, որ առաջիկա տարիները ևս մեզ համար լինելու են նոր ձեռքբերումների ժամանակաշրջան, և մենք համախմբացված, բոլորս միասին հաղթահարելու ենք ցանկացած դժվարություն, անելու ենք հնարավորինս, որպեսզի շենացնենք մեր հայրենիքն ու հարազատ օրրանը:

 Հարգելի շիրակցիներ աղետի 24-րդ տարելիցի առիթով ցանկանում եմ Ձեզ համբերություն,  անսասան հավատ և վստահություն ապագայի հանդեպ:

 

Շիրակի մարզպետ՝                                    Ա. ԳԻԶԻՐՅԱՆ