Շիրակի մարզպետի աշխատակազմ

2012թ. ՀՀ Շիրակի մարզում գործող ձեռնարկությունների կողմից թողարկվող և իրացվող արտադրանքի ծավալը ըստ կանխատեսումների կկազմի շուրջ 42,9 մլրդ դրամ:

Արդյունաբերական արտադրանքի աճի ինդեքսը կկազմի -  100,7 %:

            Տարվա ընթացքում արտադրանք են թողարկել շուրջ 112 տնտեսավարող սուբյեկտներ, որոնցից 77-ը  մշակող արդյունաբերության ճյուղի ընկերություններ են:

Արդյունաբերական ձեռնարկությունների ընդհանուր քանակում գերակշռում են գերփոքր և փոքր ընկերությունները, որոնց տեսակարար կշիռը կազմում է մոտ 85 % :                                                                   Մարզի ձեռնարկությունների կողմից թողարկած արտադրանքը իրացվում է ինչպես Հայաստանում, այնպես էլ  ԱՊՀ և արտերկրներում.

Մարզիարդյունաբերությունն ունի հետևյալճյուղային կառուցվածքը`

 

Էլեկրաէներգիայի, գազի, գոլորշու և լավորակ օդի մատակարարում                  - 15,2%,

Հանքագործական արդյունաբերություն և բաց հանքերի շահագործում   - 0.4 %,

Մշակող արդյունաբերություն                                                                                   - 83.6%,

Ջրամատակարարում, կոյուղի. թափոնների կառավարում և վերամշակում     - 0.8%:

                                                                                                                                             մլն դրամ

 

Կառուցման ընթացքում են <<Արմամաստ>> ՍՊԸ-ի նոր ձեռնարկությունը, որտեղ կկազմակերպվի ածիկի արտադրություն, կստեղծվեն 150 աշխատատեղեր և գուլպեղենի արտադրության <<Լենտեքս>> սահմանափակ պատասխանատվությամբ ընկերության նոր արտադրամասը:

Հաջողությամբ իրականացվեցին փոքր ՀԷԿ-երի ստեղծման ծրագրերը: Արդեն արտադրանք են տալիս շահագործման հանձնված 8 փոքր ՀԷԿ-երը:

Կատարված ներդրումների արդյունքում մարզում ստեղծվել և գործում են նաև  հինգ նոր փոքր ձեռնարկություններ: Աշխատատեղեր են ավելացել <<Լենտեքս>>, <<Իգիթ>>, <<Անալիտսարք-1>>, Մարալիկի <<Նայտեքս>> և այլ ընկերություններում:

Մարզում առկա գործարարության աջակցության հարցերով զբաղվող կառույցների հետ պարբերաբար անցկացվել են հանդիպումներ, քննարկվել են հարցեր, մշակվել միջոցառումներ նշված կառույցների աշխատանքները աշխուժացնելու, գործունեությունը խթանելու և համատեղ միջոցառումներ իրականացնելու համար:

2012թ. իրականացվել են  մի շարք ծրագրեր Գյումրու տեխնո­պարկի ստեղծմանպետական աջակցության ծրագրի իրականացման գլխավոր օպերատոր` Գյումրու տնտեսական զարգացման հիմնադրամի կողմից:

     Շարունակվում են Գյումրու Տեխնոպարկի հիմնական շենքի շինարարական աշխատանքները: Շենքի շինարարական և վերանորոգման աշխատանքների արդյունքում 2 տարվա ընթացքում կստեղծվի շուրջ 6300 ք.մ. մակերեսով ամբողջական համալիր:

     Ըստ ներդրումային ծրագրի՝ կենտրոնի կառուցման համար ընկերությունը շուրջ 8.5 մլն ԱՄՆ դոլարի ներդրում է իրականացնելու և ստեղծելու է մոտ 50 աշխատատեղ:

Աջակցություն է տրամադրվել տեխնոլոգիական ձեռնարկատիրության զարգացմանը, իրականացվել են մի շարք կրթական ծրագրեր` մուլտիմեդիայի, ճարտարագիտական և եռաչափ մոդելավորման լաբորատորիաներում:

           2012թ. մարտին <<Գյումրու Տնտեսական Զարգացման Հիմնադրամ>>-ի և ք.Մինսկի <<Բարձր տեխնոլոգիաների պարկի ադմինիստրացիա>> պետական հաստատության և <<Գյումրու Տնտեսական Զարգացման Հիմնադրամ>>-ի միջև նոր և բարձր տեխնոլոգիաների ոլորտներում գործնական հարաբերություններ հաստատելու և զարգացնելու նպատակով կնքվել է համաձայնագիր, որի շրջանակներում իրականացվելու է աջակցություն նորաստեղծ ընկերություններին, նորարարական ծրագրերի փոխանակում, կազմակերպվելու են նորարարական գործունեությանը նվիրված սեմինարներ, ցուցահանդեսներ, կոնֆերանսներ և այլ միջոցառումներ, պարկերի զարգացման հարցերի, նրանց ռեզիդենտների գործունեության պայմանների բարելավման վերաբերյալ փորձի փոխանակումներ: 

Տեղեկատվական տեխնոլոգիաների նկատմամբ երիտասարդ կադրերի մոտ անընդհատ աճող հետաքրքրության և կատարված ներդրումների շնորհիվ մարզում գործող տեղեկատվական տեխնոլոգիաների կենտրոնի շրջանավարտները աշխատում են համապատասխան ընկերություններում, ինչը խթան է հանդիսանում ընդլայնելու երիտասարդության ընդգրկվածությունը այդ ոլորտում:

ՀՀ Շիրակի մարզի պատվիրակությունը մասնակցել է Հայ ռուսական միջտա­րա­ծաշրջանային երկրորդ համաժողովին, կլոր սեղաններին և քննարկումներին, հանդիպում ունեցել ՌԴ ՈՒլյանովսկի մարզի պատվիրակության անդամների հետ, քննարկել համագործակցության հետագա քայլերը:

Շիրակի մարզի տնտեսության ոլորտներում կատարվող պետական և մասնավոր ներդրումները դրական ազդեցություն են թողել արդյունաբերության և փոքր ու միջին ձեռնարկատիրության ոլորտներում, սակայն կատարված ներդրումների ծավալները դեռևս բավարար չեն մարզի տնտեսության զարգացման, արտադրության տեխնիկական վերազինման և ժամանակակից տեխնոլոգիաների ձեռք բերման համար:

 

    2012թ. Շիրակի մարզում գործել են 1035 առևտրի օբյեկտներ, այդ թվում խանութներ, շուկաներ, կրպակներ և առևտրի այլ օբյեկտներ: Առևտրի շրջանառությունը, ընթացիկ գներով, կազմել է 41 642,3 մլն.դրամ, որը 2011թ. համապատասխան ժամանակաշրջանի նույն ցուցանիշի նկատմամբ, համադրելի գներով, աճել է 5,2 %-ով:

   2012թ.  ծառայությունների ծավալը, ընթացիկ գներով, կազմել է 19 330 մլն. դրամ, որը 2011թ. համապատասխան ժամանակաշրջանի նկատմամբ, համադրելի գներով, աճել է 46 %-ով:

Ընդունվել են առևտրի, հանրային սննդի և սպասարկման ոլորտում մարզի տեղական ինքնակառավարման մարմինների կողմից իրականացված վերահսկողության արդյունքների մասին համայնքների կողմից ներկայացված հաշվետվությունները, ամփոփվել են և համապատասխան տեղեկատվությունը ներկայացվել է ՀՀ տարածքային կառավարման նախարարություն: Մարզի առևտրի, հանրային սննդի և կենցաղային ծառայությունների ոլորտում մասնագետ կադրերի պատրաստման նպատակով նախապատրաստվել և ՀՀ կրթության և գիտության նախարարություն է ներկայացվել մարզին անհրաժեշտ մասնագիտական /արհեստագործական/ և միջին մասնագիտական կրթություն ունեցող կադրերի պահանջը: