Շիրակի մարզպետի աշխատակազմ

Դեկտեմբերի 27-ին տեղի ունեցավ Շիրակի մարզի խորհրդի ամփոփիչ նիստը: 2012 թվականին մարզում կատարված աշխատանքների վերաբերյալ ելույթներ ունեցան մարզպետարանի քաղաքաշինության, գյուղատնտեսության, ֆինանսական և կրթության վարչության պետերը /վերջիններիս կատարողականի վերաբերյալ լիարժեք տեղեկատվությունը տեղադրված է մարզպետարանի կայքում ս/թ դեկտեմբերի 24-ին և 25-ին: Վարչության պետերի ելույթներից հետո, ամփոփիչ ելույթվ հանդես եկավ Շիրակի մարզպետ Աշոտ Գիզիրյանը, ում ելույթն ամբողջությամբ ներկայացնում ենք հաջորդիվ:

Խուսափելով թվային ցուցանիշներից և քանակական մանրամասնություններից, ես կներկայացնեմ 2012 թվականի մեր գործունեության ամփոփ վերլուծությունը:

Ինչպես անցնող ամեն տարի, 2012-ն էլ նշանավորվեց իր լավ ու վատ կողմերով:

Ինչ կարողացանք անել, ինչի հասանք: Այս հարցի պատասխանը միանշանակ չէ:

Քաղաքական առումով տարին լարված էր, բայց մենք կարողացանք այդ փորձություններից պատվով դուրս գալ, ընտրություններն անցան նորմալ, արդար և թափանցիկ:

Հակիրճ ներկայացնեմ իմ նկատառումները:

Ինչպես տեսաք, դրական փոփոխություններ են արձանագրվել հատկապես բնակարանային շինարարության մեջ: ԱնօթևաններինբնակարաններովապահովելուծրագրիիրականացումըՀայաստանիՀանրապետությանՆախագահՍերժՍարգսյանինախընտրականխոստումնէր, որըլիովինկյանքիէկոչվում:

  Հաջորդ տարում և առաջիկա ժամանակաշրջանում անելիքները շատ են ու բազմաբնույթ: Այսօր տասնյակ ընտանիքներ ապրում են վթարային շենքերում: Պետք է փորձենք լուծել այդ խնդիրը: Մարդիկ կան, որոնք գրանցում չունեն համայնքում, բայց տնակներ են զբաղեցնում, ոմանք էլ վաճառել են բնակարաններն ու ապրում են հարմարեցված ժամանակավոր կացարաններում: Սրանք խնդիրներ են, որոնց լուծման համար ժամանակ կպահանջվի:

Ճանապարհների վերականգնման ուղղությամբ մարզում բավականին աշխատանք կատարվել է, սակայն համայնքների փողոցները, բակերը բարեկարգման, լուսավորության անցկացման հարցեր ունեն: Առաջիկայում պետք է առաջնորդվել մարդկանց համար ապրելու և հանգստի բարենպաստ միջավայր ստեղծելու խնդիրներով:

Մարզում առկա առաջնահերթ հիմնախնդիրների լուծմանը վերջին տարիներին լուրջ գումարներ են տրամադրվում:

Հանրապետության Նախագահի հանձնարարությամբ միայն անցածերկուտարումմարզինհատկացրելէ5 միլիարդ 280 միլիոնդրամ: Մարզի 60 համայնքներում` 267օբյեկտներումաշխատանքներենիրականացվել:

Արդեն իսկ խնդիր ենք դրել առաջիկայում աշխատանքներն այնպես կազմակերպել, որ անկախ բնակիչների թվից, մարզի բոլոր համայնքներում էլ իրականացվի առաջնահերթ որևէ ծրագիր:

Մարզկենտրոնի սոցիալ-տնտեսական հիմնախնդիրների լուծմանն ուղղված ծրագրերի մեջ ուշագրավ են Գյումրին տեխնոքաղաքի վերածելու կառավարության հետևողական ջանքերը:

Այստեղ, բացի որակյալ ներուժի ներգրավումից ու նոր աշխատատեղերից, կարևորում եմ քաղաքի պատմական միջավայրում Կումայրի արգելոց-թանգարանի կարևոր շինություններից մեկի վերականգնումը:

Այսուհանդերձ, հարգելի գործընկերներ, մի բան է կառուցելը, նորոգելը, այլ բան արվածին հոգատար վերաբերվելը: Համայնքների ղեկավարները պետք է ավելի ուշադիր լինեն, խնամեն ու պահպանեն արվածը:

Ամեն տարի կառավարությունը որևէ կերպ փորձում է աջակցել գյուղատնտեսությանը: Անցնողտարումմարզինարտոնյալպայմաններովհատկացվածդիզելայինվառելանյութիուազոտականպարարտանյութիգներըպետությանկողմիցսուբսիդավորվելեն 600 մլնդրամով, որը, կարծումեմզգալիօգնությունէր:

Սակայն, հարցը միայն պետության աջակցությամբ չպետք է ավարտվի: Մենք խնդիր ունենք ցանքերի պլանավորման, ագրոտեխնիկական կանոների պահպանման, բնության տարերքի դեմ միջոցառումների իրականացման:

Մարզում իրականացվում է կարևոր բնապահպանական ծրագիր՝ ,,Արփի լիճ,, ազգային պարկում, ընդհանուր ներդրումները կազմել են շուրջ 465 մլն դրամ:

 

Հարգելի գործընկերներ,

Տարվա ընթացքում համայնքապետերի հետ քննարկել ենք բազմաթիվ հարցեր, փորձել ենք համայնքներին հուզող առաջնահերթ խնդիրները լուծել ամենատարբեր ճանապարհներով՝ մեր ուժերով, ծրագրերում ընդգրկելով և այլն: Բայց, չգիտես ինչու, համայնքապետերի մեծ մասն այդ խնդիրների լուծումը տեսնում է միայն դրանք բարձրաձայնելով ու տարբեր ատյաններ նամակներ հղելով:

Ասածս վերաբերում է այն համայնքապետերին, որոնք տեղական հարկերի ու տուրքերի հավաքագրմամբ շատ հարցեր կարող էին լուծել: Կառավարությունը միանշանակ հայտարարել է, որ ծրագրեր կիրականացվեն այն համայնքներում, որտեղ հարկերի հավաքման բարձր ցուցանիշ կարձանագրվի: Եվ որպեսզի մեր բնակչությունը կարողանա օգտվել այդ ծրագրերից, ես ստիպված մարզպետարանի աշխատակիցներին եմ գործուղում համայնքներ, տեղի ղեկավարներին աջակցելու համար:

Համայնքապետի գլխավոր անելիքը` բյուջեի ձևավորումն է և գումարների նպատակային ծախսումն  ի նպաստ համայնքի: Եթե վատ համայնքապետ է ընտրվել, ապա համայնքի բնակիչները խորհելու լուրջ առիթ ունեն:

2013-ն այս առումով պետք է բեկումնային լինի, յուրաքանչյուր համայնքապետ պետք է գիտակցի ու կարևորի սեփական աշխատանքի արդյունավետությունը:

Ամեն մի ծրագիր, որ իրականացվում է մարզում, ստեղծում է ժամանակավոր աշխատատեղեր:

Բայց դա այսօր բավարար համարել չի կարելի, մեզանից յուրաքանչյուրն իր ունեցած գործարար կապերով պետք է նպաստի նոր աշխատատեղերի ստեղծմանը: Այսօր, ավելի մեծ ու հայրենանվեր գործ չեմ պատկերացնում:

Դա կնպաստի գործազրկության և արտագաղթի նվազմանը:

Ներդրողներին պետք է խրախուսել, այլ ոչ թե արհեստական խոչընդոտներ ստեղծել:

Պետությունը լուրջ միջոցներ է ներդնում կրթության ոլորտի զարգացման վրա:

Գլխավոր խնդիր է մնում կրթական համակարգում բարեփոխումների հետևողական իրականացումը, ուսուցիչների մասնագիտական գիտելիքների կատարելագործումը, դպրոցականների կրթության որակի բարձրացումը:

Տնօրեն-մանկավարժական կոլեկտիվ-աշակերտ եռանկյունին պետք է գործի հստակ՝ ուսուցման ու լիարժեք գիտելիքների մատուցման սկզբունքով:

Դպրոցներում ներքին խնդիրները կարծես թե կարգավորվել են, այս ուղղությամբ աշխատանքները շարունակվելու են.. Անհրաժեշտ եմ համարում գործընթացը պահել մշտական հսկողության տակ:

Մեր ամեն մի քայլը պետք է լինի բարոյական արժեքների հանդեպ հավատի, վստահության վերականգնումը: Մատաղ սերունդը պետք է քաջ գիտակցի իր դերը ապագայի մարտահրավերներին դիմագրավելու գործում, նա պետք է մեծանա որպես հայրենիքին նվիրված զինվոր ու քաղաքացի:

 Սրանք խնդիրներ են, որոնց լուծման մեջ յուրաքանչյուրս անելիք ունենք:

 /Առողջապահությանոլորտ/

 Երբ ավարտվում էր հերթական բնակարանային շինարարության ծրագիրը, մարզում գործող առողջապահական օբյեկտների ցանկն համալրեց Գյումրու նորակառույց բժշկական կենտրոնը, որն արդիական սարքավորումներով հագեցած հաստատություն է:

Ի վերջո կարողացանք լուծել նաև Մարալիկի հիվանդանոցի խնդիրը:

2012թ. Գյումրու մոր ու մանկան ավստրիական հիվանդանոցը հիմնանորոգվեց, ստեղծվեց 30 մահճակալով մանկաբարձական-գինեկոլոգիական ծառայություն:

Շենքն ու սարքերը դեռ քիչ են, որ կառույցը բուժհիմնարկ կոչվի:

Մենք կարևորում ենք հիվանդի հանդեպ բուժանձնակազմի վերաբերմունքը, որը պետք է լինի հոգատար, որակյալ, մասնագիտական էթիկայի սահմաններում:  

Այսօր, առողջապահության ոլորտում ներդրված վճարովի ծառայությունն ու համավճարը հնարավորություն են տալիս էականորեն բարձրացնել աշխատավարձերը:

Վերջերս մենք քննադատվեցինք դեղերի գնման գործընթացը ոչ պատշաճ կազմակերպելու համար: Հուսամ, որ նոր տարում, դեղերի գնումն ու տրամադրումը հիվանդներին կկազմակերպվի գործող օրենսդրությանը համապատասխան և չեն լինի դեպքեր, որոնց համար ստիպված լինենք արդարանալ:

Պետք է սովորենք քայլել ժամանակի հետ, լինել օրինապահ:

Ցավոք, աղքատության ցուցանիշը մեր մարզում դեռևս բարձր է: Սոցիալապես անապահով խավերը, ինչպես նաև, զոհված և հաշմանդամ ազատամարտիկների, պատերազմի վետերանների ընտանիքները եղել և մնում են մեր ուշադրության կենտրոնում:

Համայնքապետերին հորդորում եմ, որ նույնպես ավելի ուշադիր լինեն նրանց նկատմամբ:                                                                          

Տարվա ընթացքում մարզում օպերատիվ իրավիճակը եղել է կայուն և վերահսկելի:

Ուժային կառույցների, հանրապետական գործադիր մարմինների մարզային ստորաբաժանումների հետ աշխատել ենք միմյանց աջակցելու, համատեղ գործելու, խնդիրներ լուծելու սկզբունքով: Համապետկան եւ տեղական ինքնակառավարման մարմինների ընտրությունների կազմակերպման եւ անցկացման, ինչպես նաեւ զանգվածային միջոցառումների ընթացքում ապահովվել է պատշաճ հասարակական կարգ: Շնորհակալություն եմ հայտնում արդյունավետ համագործակցության համար:

Առջևում տոնական օրեր են, համոզված եմ, որ համապատասխան մարմինները իրենց պարտականությունները կկատարեն բարձր մակարդակով:

Տարին սկսվում է քաղաքական լուրջ իրադարձությամբ:

Տեղի են ունենալու Նախագահական ընտրություններ: Մեր երկրի կյանքում այս կարևորագույն միջոցառումը անթերի անցկացնելու համար ամեն մեկիս առջև կազմակերպական կարևոր խնդիրներ են դրված: Խոսքս առաջին հերթին ուղղում եմ համայնքների ղեկավարներին:

Նախագահական ընտրությունները կազմակերպված, առանց լարվածության, առանց խախտումներ թույլ տալու անցկացնելը յուրաքանչյուրիս պատվի գործն է:

Մենք պետք է ցույց տանք աշխարհին, որ մենք ընտրում ենք մեր առաջիկա տարիներին խաղաղ ապրելու, բարեկեցիկ, հզոր, արդար Հայաստան կառուցելու ուղին:

Շիրակի մարզպետի ելույթից հետո, ընդունված ավանդույթի համաձայն պարգևատրվեցին մշակույթի և սպորտի բնագավառում առավել աչքի ընկած մարզիկնեը, նրանց մարզիչները, երգիչներն ու ասմունքողները: Միջոցառման ավարտին Շիրակի մարզպետի անունից տրվեց հյուրասիրություն:

Մարզխորհրդի ամփոփիչ նիստին հրավիրված և մասնակցում էին մարզային և հանրապետական ԶԼՄ ներկայացուցիչներ՝ ,,Ցայգ,,, ,,Շանթ,,, ,,Գալա,,, ,,Արմենպրես,, ,,Ազատություն,, ,,Առավոտ,, ,,Հինգշաբթի,, ,,Շրջապատ,, ,,Հ1,, ,,Արմնյուզ,,: