Շիրակի մարզպետի աշխատակազմ

Հարգարժան վետերաններ,

Սիրելի հայրենակիցներ.

 

Ջերմորեն շնորհավորում եմ Ձեզ Հայրենական Մեծ պատերազմում տարած հաղթանակի 68-րդ տարեդարձի կապակցությամբ:

Երկրորդ աշխարհամարտի ավարտը մեծ իրադարձություն էր ինչպես ողջ աշխարհի, այնպես էլ Հայ ժողովրդի կյանում: Մեր ժողովրդի բազմադարյա պատմության մեջ մայիսը դարձավ և մնաց հաղթանակների ամիս: Այն ամրագրվեց սերունդների հիշողության մեջ, որպես Հայրենական Մեծ պատերազմի հաղթական ավարտ և նշանավորվեց, որպես խաղաղ ու ստեղծարար աշխատանքի նոր սկիզբ:

Հայ ժողովրդի համար այսօր կրկնակի տոն է, քանզի մենք նշում ենք ֆաշիզմի դեմ խորհրդային ժողովրդի տարած հաղթանակի և Շուշիի ազատգրման օրը: Իրենց նախորդների արժանավոր ժառանգները Շուշիի ազատագրմամբ մայիսի 9-ին հաղորդեցին նոր իմաստ: Մայիսի 9-ը մեր պապերի, հայրերի և որդիների պատմական հաղթանակների միասնական տոնն է, ինչպես նաև հայրենիքի խաղաղ վերածննդի գրավականը:

Մենք խոնարհում ենք մեր գլուխներն այն բոլոր նահատակների առաջ, ովքեր իրենց կյանքը չխնայեցին ազատության համար:

Հաղթանակի և խաղաղության օրվա առթիվ, կրկին շնորհավորում եմ մեզ՝ բոլորիս և հատկապես Մեծ հայրենականի ու Արցախյան ազատամարտի վետերաններին, ցանկանում նրանց առողջություն, տոնական բարձր տրամադրություն և խաղաղ երկինք:

 

ՀՀ ՇԻՐԱԿԻ ՄԱՐԶՊԵՏ՝                  ՖԵԼԻՔՍ          ՑՈԼԱԿՅԱՆ