Շիրակի մարզպետի աշխատակազմ

Սիրելի շրջանավարտներ՚

Ի սրտե շնորհավորում եմ Ձեզ մայիսյան այս գեղեցիկ և բոլորիդ համար անմոռաց օրվա` Վերջին դասի առթիվ:

Դպրոցական ուսումնառության ավարտը խորհրդանշող այս օրն ազդարարում է Ձեր մուտքը դեպի մեծ կյանք` լի վառ երազներով և ապագայի լուսավոր նպատակներով :

Համոզված եմ, որ այս տարիներին ձեռք բերած գիտելիքներն ու կարողությունները, ընկերական պարզ ու անաղարտ հարաբերությունները կօգնեն Ձեզ ճիշտ ճանապարհ ընտրել կյանքում և պատվով անցնել այն` արդարացնելով Ձեր ծնողների և ուսուցիչների ակնկալիքները: 

Վստահ եմ` Դուք դառնալու եք մեր պետության արժանավոր զավակները, մեր հզորացող երկրի ամուր հենասյունը:

Սիրելի շրջանավարտներ.

Մեկ անգամ ևս շնորհավորելով Ձեզ, Ձեր ծնողներին և ուսուցիչներին այս հանդիսավոր օրվա առթիվ` մաղթում եմ նորանոր ձեռքբերումներ, բազում հաջողություններ բոլոր բարի ու նվիրական նախաձեռնություններում:

Բարի երթ սիրելի շրջանավարտներ:

Ամենաջերմ բարեմաղթանքներով

 

Շիրակի մարզպետ՝                                                             Ֆ.ՑՈԼԱԿՅԱՆ