Շիրակի մարզպետի աշխատակազմ

Մայիսի 26-ին Շիրակի մարզի թիվ 35/01 ընտրատարածքի Ախուրիկի                 35/01 ընտրատեղամասում տեղի է ունեցել համայնքի ղեկավարի ընտրություն:

Ախուրիկի համայնքի ղեկավարի պաշտոնի համար առաջադրվել էին գործող համայնքապետ, ՀՀԿ անդամ Վարդիթեր Գասպարյանը, և անկուսակցական Սարգիս Սարգսյանը, որին չնայած անկուսակցական լինելու համգամանքին պաշտպանում էին ՀԱԿ մարզային ներկայացուցիչներ, ընտրություններին մասնակցել են նաև միջազգային դիտորդներ:

Քվեարկելու իրավունք ունեցող 824 բնակչից, քվեարկությանը մասնակցել են 504-ը, անվավեր քվեաթերթիկների թիվը եղել է 11: Քվեարկության արդյունքում անկուսակցական Սարգիս Սարգսյանի օգտին կողմ են քվեարկել 176-ը, համայնքի գործող ղեկավար Վարդիթեր Գասպարյանի օգտին կողմ քվեարկել են 317-ը: Ընտրությունների նախնական արդյունքում Ախուրիկի համայնքի ղեկավարի պաշտոնում վերընտրվել է Վարդիթեր Գասպարյանը: Ընտրություններն անցել են առանց միջադեպերի և լարվածության, ինչն ամենայն հավանականության կհաստատեն առաջին անգամ ՏԻՄ ընտրություններին մասնակցող միջազգային դիտորդները: