Շիրակի մարզպետի աշխատակազմ

Հարգելի հայրենակիցներ. 

      Ի սրտե շնորհավորում եմ բոլորիս Հանրապետության տոնի կապակցությամբ:

Այսօր մենք նշում ենք Հայաստանի Առաջին Հանրապետության ծննդյան 95-րդ տարեդարձը:

     Մայիս ամիսը մեր ազգի պատմության մեջ եղել է հերոսական պայքարի և հաղթանակների ամիս: Բաշ-Ապարանի, Սարդարապատի, Ղարաքիլիսայի և հատկապես Սառնաղբյուրի մարտերում հայ ժողովուրդն ապացուցեց իր ազատ ապրելու և անկախությունը պաշտպանելու պատրաստակամությունը: Չնայած իր գոյության կարճատևությանը, Հայաստանի Առաջին Հանրապետությունը կարողացավ սերունդներին փոխանցել արժեքային նոր համակարգ, որը հենվում է պետական մտածողության, քաղաքացիական գիտակցության ու ժողովրդավարության սկզբունքների վրա: Այսօրվա անկախ Հայաստանի գոյությամբ մենք նախ և առաջ պարտական ենք 1918թ. մայիսյան հերոսամարտերին: Հայ ժողովուրդն իր դարավոր պայքարի արդյունքում ստեղծեց նոր անկախ և ինքնիշխան Հայաստանի Հանրապետությունը և վերականգնեց դարեր շարունակ կորցրած պետականությունը: 

Մեր պարտքն է այսօր սրբորեն պահպանել Հայրենիքի ազատության ու անկախության համար զոհվածների հիշատակը, արժանի լինել մեր նախնիների հերոսական անվանն ու շենացնել մեր երկիրը:

   Կրկին անգամ շնորհավորելով բոլորիս Հանրապետության տոնի առթիվ` մաղթում եմ քաջառողջություն, տոկունություն, հավատ, և եռանդուն աշխատանք հանուն մեր հայրենիքի ապագայի:

 Ամենաջերմ բարեմաղթանքներով

Շիրակի մարզպետ՝

                                                               Ֆելիքս Ցոլակյան