Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
ԽՈՐՀՐԴԱԿՑՈՒԹՅՈՒՆ ՄԱՐԶՊԵՏԱՐԱՆՈՒՄ
12.06.2013
Հունիսի 12-ին Շիրակի մարզպետ Ֆելիքս Ցոլակյանի նախաձեռնությամբ խորհրդակցություն անցկացվեց Շիրակի մարզպետարանում, որին մասնակցում էին ՀՀ ջրային տնտեսության պետական կոմիտեի ներկայացուցիչները` նախագահ Անդրանիկ Անդրեասյանի ղեկավարությամբ, Գյումրու քաղաքապետ Սամվել Բալասանյանը, մի շարք համայնքապետեր: Խորհրդակցության ընթացքում անդրադարձ եղավ «Հայջրմուղկոյուղի» ընկերության կողմից Գյումրիում իրականացված աշխատանքներին: Շիրակի մարզպետ Ֆելիքս Ցոլակյանը նշեց, որ ընկերության ներդրումային ծրագիրն իրապես աննախադեպ է ծավալային եւ գումարային առումներով, ինչը կնպաստի Գյումրու վաղուց արդեն մաշված ջրատար ցանցի թարմացմանը: <Սակայն համատեղ եւ փոխգործակցված աշխատանքի դեպքում հնարավոր կլինի շոշափելի արդյունքների հասնել,-ասաց Ֆելիքս Ցոլակայնը>: Շիրակի մարզպետն ու Գյումրու քաղաքապետը կարեւորեցին ընկերության կողմից քանդված ասֆալտաշերտի վերականգնման հարցը, քանզի Գյումրիում այժմ ասֆալտապատումը համարվում է առաջնային խնդիրներից:
Ջրային տնտեսության պետական կոմիտեի նախագահը անդրադառնալով այս բոլոր հարցերին ընդգծեց, որ վարկային այս ծրագրով Գյումրիում բավական մեծ աշխատանքներ կիրականացվեն, դրանց որակն ու արագությունը վերահսկվում է պատկան մարմինների կողմից:
Այնուհետեւ անդրադարձ եղավ հանդիպմանը ներկա 4` Մեծ Մանթաշ, Փոքր Մանթաշ, Գեղանիստ, Արեւշատ համայնքների ջրամատակարարման խնդիրներին: «Հայջրմուղկոյուղի» ընկերության սպասարկման տիրույթից դուրս գալու արդյունքում այս գյուղեր մուտք գործող ջուրը չի քլորացվում, դրանից զատ գյուղեր հասնող ջրի քանակը եւս բավարար չէ: Քննարկվեց գյուղերի համար առանձին փոքր կարգավորող ջրամբար կառուցելու առաջարկը: Այս առումով համայնքապետերը պատրաստակամություն հայտնեցին գրավոր առաջարկով դիմել պատկան ատյաններին:
