Շիրակի մարզպետի աշխատակազմ

2013 թվականին զգալի աշխատանքներ են իրականացվել սոցիալական աջակցության ծրագրերի շրջանակներում պետական նպաստների նշանակման ու վճարման գործընթացի բարելավման, ընտանեկան նպաստների հասցեականության բարձրացման ուղղությամբ:

Տարվա ընթացքում իրականացվել են հարակից բազաներից ստացվող տեղեկատվությունների և տեղական տեղեկատվական բազաների համադրման, մասնագետների տնային այցելությունների միջոցով ընտանիքների սոցիալական վիճակի ուսումնասիրությունների գործառույթներ, որոնք որոշակիորեն նպաստել են ընտանեկան նպաստների հասցեականության բարձրացմանը:

Սոցիալական ծառայությունների մատուցման որակը բարձրացնելու նպատակով Աշոցքում՝ 2013 թվականի հուլիս ամսից, իսկ Մարալիկում՝ 2013 թվականի սեպտեմբերից  գործում են սոցիալական ծառայություններ մատուցող պետական կազմակերպությունների (կենսաթոշակ նշանակող, սոցիալական աջակցության, զբաղվածության, բժշկասոցիալական փորձաքննական հանձնաժողովներ) համալիր կենտրոնները: Ընթացքի մեջ են նաև մարզի մյուս կենտրոնների ստեղծմանն ուղղված աշխատանքները:

 

Որոշակի աշխատանքներ են իրականացվել մարզի բնակչության զբաղվածության և գործազուրկների հաշվառման ուղղությամբ տարածքային կենտրոնների գործունեությանը աջակցելու, նոր աշխատատեղերի ստեղծմանն ուղղված ձեռնարկումներին նպաստելու ուղղությամբ:

2013 թվականի դեկտեմբերի ամսվա դրությամբ մարզում գրանցված են եղել 8971 աշխատանք փնտրողներ, որոնցից գործազուրկի կարգավիճակ ունեն 7694-ը: Աշխատանքի է տեղավորվել 857 մարդ, գործազրկության նպաստ են ստացել 591-ը:

 

 Աշխատանքներ են տարվել հաշմանդամների զբաղվածության ապահովման ուղղությամբ: Զբաղվածության տարածքային կենտրոններում հաշվառված 239 հաշմանդամներից 9-ը ընդգրկվել են աշխատաշուկայում անմրցունակ խմբերի աշխատավարձի մասնակի փոխհատուցման ծրագրում, 10-ը անցել են մասնագիտական ուսուցում:

Հաշմանդամություն ունեցող անձանց հարցերով զբաղվող մարզային հանձնաժողովը, տեղական ինքնակառավարման մարմինները և հասարակական կազմակերպությունները իրականացրել են համատեղ աշխատանքներ՝ ուղղված հաշմանդամություն ունեցող անձանց սոցիալական պաշտպանություն իրականացնելուն և նրանց հասարակության մեջ ներառելուն: Աջակցություն է ցուցաբերվել հաշմանդամներին վերականգնողական տեխնիկական պարագաներով ապահովման ուղղությամբ:

Մարզի համայնքերում բնակվող հաշմանդամություն ունեցող անձանց 2013 թվականի ընթացքում մարզպետարանի աջակցությամբ և ՀՀ ԱՍՀ նախարարության հետ համագործակցությամբ Գյումրու <<Հաշմանդամների ասոցիացիա>> և <<Փյունիկ>> հասարակական կազմակերպությունները տրամադրել են 84 սայլակ, 57 լսողական ապարատ, 44 տարբեր պրոթեզներ և այլ օժանդակ պարագաներ: Թվով 197 հաշմանդամներ վերականգնողական և օժանդակ տեխնիկական այլ պարագաներ են ստացել նաև Գյումրու ինտերօրթոպրոտեզավորման կենտրոնից:

Թվով 55 հաշմանդամներ են ընդգրկվել <<Հայկական Կարիտաս>> կազմակերպության ցերեկային խնամքի կենտրոնում, իսկ   140-ը խնամք են ստանում տնային պայմաններում: Շուրջ 455 սոցիալապես անապահով քաղաքացիներ և հաշմանդամներ  ընդգրկված են Գյումրի և Արթիկ քաղաքներում <<Առաքելություն Հայաստանի>>, <<ՍՊՖԱ>>, <<Հայ Ավետարանական Մկրտական Եկեղեցի>> կազմակերպությունների միջոցով գործող անվճար ճաշարաններում: Ամառային հանգստի ճամբար, խնամք տնային պայմաններում և այլ ծրագրերում ընդգրկվել են մոտ 2794 կարիքավոր քաղաքացիներ:

<<Արիե Կուփերսթոքի անվան վերականգնողական կենտրոն>> ՓԲԸ–ում 640 սահմանափակ կարողություն ունեցող անձիք պետպատվերի շրջանակում ստացել են վերականգնողական բուժօգնություն:

Թվով 40 բազմակի հաշմանդամություն ունեցող երեխաներ ընդգրկված են <<Հայկական Կարիտաս>> բարեգործական կազմակերպության <<Արեգակ>> ցերեկային խնամքի կենտրոնում:

Հաշմանդամություն ունեցող անձանց համար կրթության և մասնակցային ուսուցման մատչելիության ապահովման նպատակով 2013-2014 ուսումնական տարում Գյումրի քաղաքի թիվ 1,7,11,23.30,31,38,,40,45 հանրակրթական ուսումնական հաստատություններում կազմակերպվել է ներառական կրթություն:

Աշխատանքներ են իրականացվել մարզի տարածքում սոցիալական ենթակառուցվածքի շենքերի ու շինությունների բնակչության սակավաշարժուն խմբերի համար մատչելիություն ապահովելու ուղղությամբ: Հաշվետու ժամանակաշրջանում կառուցվել և վերակառուցվել են հաշմանդամների համար հարամարեցված հասարակական նշանակության` կրթության, մշակույթի և վարչական թվով 14 շենք, շինություններ:

ՀՀ Շիրակի մարզպետի կողմից հրատապ դրամական օգնություն է ցուցաբերվել թվով   1176 Հայրենական Մեծ պատերազմի վետերանների,զոհված ազատամարտիկների, ծառայության ընթացքում զոհված զինծառայողների ընտանիքների, հաշմանդամ ազատամարտիկների և սոցիալապես կարիքավոր քաղաքացիների:

Կարևորվել է մարզում իրականացվող սոցիալական ծրագրերի վերաբերյալ բնակչության իրազեկության բարձրացումը, պետական նպաստների համակարգի, հաշմանդամների հիմնախնդիրների, սոցիալական պաշտպանության ոլորտի այլ իրավական ակտերի լուսաբանումը: