Շիրակի մարզպետի աշխատակազմ

Սիրելի զինվորներ.

Հարգելի սպաներ, ենթասպաներ, կրտսեր հրամանատարներ.

Ջերմորեն շնորհավորում եմ Ձեզ Հայոց ազգային բանակի 22-րդ տարեդարձի կապակցությամբ: Հայաստանի անկախացման օրից ի վեր, մեր երկրի ամենակարևոր ձեռքբերումներից մեկը ազգային բանակի կայացումն է, որի ակունքներում կանգնած են Արցախյան ազատագրական պայքարի տարիներին ձևավորված կամավորական ջոկատները, որոնք հետագայում դարձան Հայոց բանակի հիմնասյունը: Մեր բանակի կազմավորման ակունքներում մեծ ու անուրանալի է Շիրակի զավակների ներդրումը, որոնցից շատերը այդպես էլ չտեսան իրենց ստեղծած բանակի փառավոր ներկան, քանզի նահատակվեցին հայրենիքի ու Արցախի պաշտպանության մարտերում: Ցավոք, այսօր էլ մեր հերոս հայորդիները նահատակվում են թշնամու դավադիր գործողություններից:

Հավերժ փառք նրանց հիշատակին:

Հայկական զինված ուժերը մեր երկրի սահմանների հուսալի պաշտպանն են, մեր ժողովրդի խաղաղ ու անվտանգ կենսագործունեության ապահովողը, ինչպես նաև մեր  առաջընթացի կարևոր պայմանը, և մենք պարտական ենք դիրքերում և խրամատներում յուրաքանչյուր օր մեր անդորրը պաշտպանող հայ զինվորին:

Հարգելի հայրենակիցներ, այս տոնական օրը մաղթում եմ Ձեզ քաջառողջություն, խաղաղություն ու նորանոր ձեռքբերումներ, իսկ մեր զինվորներին`  անկոտրուն կամք, բարձր մարտունակություն և բարի ծառայություն:

 

Հարգանքով`    

ՀՀ ՇԻՐԱԿԻ ՄԱՐԶՊԵՏ                                  Ֆ.ՑՈԼԱԿՅԱՆ