Շիրակի մարզպետի աշխատակազմ

Քաղաքաշինության նախարարությունը տեղեկացնում է, որ Գյումրի քաղաքի Մուշ-2 թաղամասի 2010 թվականին շահագործման հանձնված շենքերից բնակարան ստացած ընտանիքներից 158-ը  դեռևս նախարարության հետ չեն կնքել բնակարանների նվիրատվության անհատույց մասնավորեցման պայմանագրեր որոնցից 78-ը տնակները չհանձնելու, 20-ը ընտանեկան խնդիրների, 37-ը ընտանիքի բացակա անձանց լիազորագիր բացակայության և 23-ը  կոնտակտային տվյալների բացակայության պատճառաբանությամբ:

Քաղաքաշինության նախարարությունը հորդորում է արագացնել տնակների հանձնման գործընթացը ընտանեկան անհամաձայնությունները կարգավորել համատեղ ստացված բնակարանները սեփականաշնորհելուց հետո, փաստաթղթային փաթեթը համալրել պահանջվող անհրաժեշտ փաստաթղթերով և սեղմ ժամկետում կնքել բնակարանների նվիրատվության անհատույց մասնավորեցման պայմանագրերը:

 Փաստաթղթերի վերաբերյալ լրացուցիչ տեղեկությունների համար զանգահարել ՀՀ քաղաքաշինության նախարարության իրավաբական բաժին հետևյալ հեռախոսահամարներով` 060-621-737 և 060-621-739

ՀՀ քաղաքաշինության նախարարության

իրավաբանական բաժնի պետ                       Խ. Ղալթախչյան