Նորություններ
Խորհրդարանական լսումներ Գյումրու Բժշկական կենտրոնում
04.04.2014
Ապրիլի 4-ի ՀՀ ԱԺ առողջապահության, մայրության և մանկության հարցերի մշտական հանձնաժողովը Գյումրու Բժշկական կենտրոնում կազմակերպել էր Խորհրդական լսումներ Հայաստանի Հանրապետությունում <<Բժշկական շարունակական մասնագիտական զարգացման>> համակարգի ներդրման անհրաժեշտության վերաբերյալ, որի նպատակն էր տեղեկացնելու ՀՀ Շիրակի և Լոռու մարզերի բուժաշխատողներին Հայաստանի Հանրապետությունում բժշկական շարունակական մասնագիտական զարգացման համակարգում նախատեսվող փոփոխությունների մասին: Լսումներին մասնացել են ՀՀ Շիրակի և Լոռու մարզերի բուժաշխատողներ, ՀՀ ԱԺ պատգամավորներ, ուսումնական հաստատությունների, միջազգային և տեղական հասարակական կազմակերպությունների ներկայացուցիչներ, բժշկական մասնագիտական ասոցիացիաների նախագահներ և անդամներ: Բացման խոսքով հանդես եկավ ՀՀ ԱԺ առողջապահության մայրության և մանկության հարցերի մշտական հանձնաժողովի նախագահ Արա Բաբլոյանը, այնուհետ մասնակիցներին ողջյունեց ՀՀ Շիրակի մարզպետ Ֆելիքս Ցոլակյանը, ով իր ելույթում մասնավորապես նշեց. - իրականացվող ծրագրի կարևորությունը, որը նպաստելու է մարզի բուժհաստատություններում առողջապահական համակարգի և առողջապահական ծառայությունների որակի, ինչպես նաև բուժական անձնակազմի մասնագիտական հատկանիշների բարելավմանը: Զեկույցներով հանդես եկան ՀՀ ԱՆ աշխատակազմի կառավարման վարչության պետ Սամվել Սողոմոնյանը, անկախ փորձագետ, ՀԱԺԱԾ Մուրադ Կիրակոսյանը, Հայաստանի ազգային մրցունակության հիմնադրամի առողջապահության ծրագրի ղեկավար Գևորգ Յաղջյանը: Հանդիպման մասնակից առողջապահության ոլորտի ներկայացուցիչները հարցեր ուղղեցին պարոն Բաբլոյանին, ծավալվեց ակտիվ քննարկում ոլորտում առկա մի շարք խնդիրերի հետ կապված: Ամփոփելով լսումները <<Բժշկական շարունակական մասնագիտական զարգացման>> համակարգի ներդրման անհրաժեշտության վերաբերյալ, պարոն Բաբլոյանը կրկին անգամ կարևորեց և շեշտեց, որ այն կխթանի բուժանձնակազմի շարունակական մասնագիտական զարգացմանը, ինչն իր հերթին կխթանի առողջապահական համակարգի և առողջապահական ծառայությունների որակի բարելավմանը: