Շիրակի մարզպետի աշխատակազմ

Մայիսի 23-ին հանրապետության բոլոր դպրոցներում  հնչեց վերջին զանգը, անցկացվեց ավարտական վերջին դասը: Շիրակի մարզում այս տարի  դպրոցն ավարտեց 2219 աշակերտ: Վերջին դասի առիթով Շիրակի մարզպետ Ֆելիքս Ցոլակյանն այցելեց մարզի մի շարք դպրոցներ: Մինչև դպրոցներ այցելելը Շիրակի մարզպետ Գյումրու Տ.Պետրոսյանի անվան շախմատի դպրոցում դիպլոմներ հանձնեց քաղաքի առաջնության մրցանակակիրներին: Առաջին կանգառը Հոռոմ համայնքի միջնակարգ դպրոցն էր, որտեղ անցկացվեց <Ճանապարհ դեպի նոր կյանք>  վերտառությամբ վերջին դասը:  Վերջին դասի հիմնական ուղղությունը դպրոցականներին մեծ կյանք ճանապարհելն ու այդ ճանապարհին ճիշտ քայլեր անելն էր:  Այս ամենի մասին խոսեց նաև Շիրակի մարզպետը, Ֆելիքս Ցոլակյանը  նախ շնորհավորեց դպրոցականներին ու մանկավարժներին, այնուհետև նշեց. <Սիրելի դպրոցականներ այս օրը Ձեր կյանքի հիշարժան օրերից մեկն է, որի մասին  միշտ խոսելու եք, որը միշտ հիշելու եք, հիմա կյանքի ամենավճռական պահերից է Ձեզ համար, երբ պետք է ընտրեք մասնագիտություն, երբ պետք է բուհ դիմեք, սակայն հավատացեք, որ հիմա Ձեզ համար ամենաանհոգ ու երջանիկ տարիներին են, ես Ձեզ մաղթում եմ հաջողություն Ձեր նախաձեռնություններում, երջանկություն ու ձեռքբերումներ: Գիտեմ հիմա բոլորդ էլ հուզված եք, բայց այդ հուզմունքը միայն երջնիկ հուզմունք է>:

Մարզպետի հաջորդ կանգառը Այգաբաց համայնքում էր, այստեղ դպրոցին չնայած քիչ թվով աշակարտներ էին հրաժեշտ տալիս`  5 դպրոցական, սակայն վերջին դաս-ցերեկույթին երեխաները մեծ ոգևորությամբ էին պատրաստվել, իսկ մարզպետի ներկայությունից առավել ոգևորվեցին և ուրախացան:

Արևիկ համայնքում դպրոցական վերջին դասն ի տարբերություն նախորդ դպրոցների հայրենասիրական ոգով էր լցված, սկսվեց Հայաստանի Հանրապետության օրհներգով և շարունակվեց հայկական ժողովրդական երգ ու երաժշտության ներքո: Ֆելիքս Ցոլակյանն այս ամենը կարևորելով փաստեց. <Ես ուրախ եմ, որ հայ դպրոցում այսքան հայրենասիրություն կա, հայ պատանին ու աղջնակն այսքան սիրում են իրենց երկիրը, ես վստահ եմ Ձեր ապագան իսկապես հիանալի է լինելու, չէ որ դուք եք մեր երկրի վաղվա օրը: Ձեզ ցանկանում եմ  բարի երթ, կանաչ ճանապարհ և բարձունքների նվաճում: