Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Մեղվիկի հերթական ծրագիրն ավարտվեց մեծ հաջողությամբ
02.06.2014
Հունիսի 2-ին ՀՀ Շիրակի մարզի Գյումրի քաղաքի Քրիստափոր Կարա-Մուրզայի անվան երաժշտական քոլեջում տեղի ունեցավ <<Մեղվիկ >> ՀԿ-ի <<Մշակութային մատչելի միջավայր հաշմանդամություն ունեցող անձանց համար>> ծրագրի ավարտական ցերեկույթը: Ծրագիրը մաս է կազմում <<Սեյվ դը չիլդրեն>> կազմակերպության կողմից` ԱՄՆ Միջազգային զարգացման գործակալության ֆինանսավորմամբ իրականացվող << հաշմանդամություն ունեցող անձանց կենսամակարդակի բարելավում զբաղվածության խթանման միջոցով >>(LIFE)ծրագրի: Ծրագրի տնօրեն Ջինա Սարգիզովան նշեց, որ ծրագրի նպատակն է խթանել հաշմանդամություն ունեցող անձանց աշխատանքի հավասար պայմանները և աշխատանքի մատչելիությունը `որպես մարդու հիմնարար իրավունք, որին հասնելու համար անհրաժեշտ է առաջին հերթին հոգալ մասնագիտական կրթության մատչելիությունն ու հասանելիությունը: <<Մեղվիկ>> ՀԿ-ի նախագահ Վեհանուշ Հովհաննիսյանը ներկայացրեց Գյումրիի <<Մեղվիկ>> մանկապատանեկան ՀԿ-ի կողմից իրակնացվող ծրագրի նպատակը` նպաստել Գյումրիում հաշմանդամություն ունեցող անձանց համապատասխան մշակութային կրթության ապահովմանը և ինտեգրմանը մշակութային կյանքում: Կարա- Մուրզայի անվան երաժշտական քոլեջի տնօրեն Մարիա Կարապետյանը հավաստիացրեց, որ ծրագրի արդյունքում ստեղծված բազայի շնորհիվ երաժշտական քոլեջը կշարունակի աշխատանքը հաշմանդամություն ունեցող շնորհալի երիտասարդների հետ և այն կօգտագործվի քոլեջին կից բացված դպրոց – ստուդիայի կողմից`շնորհալի երեխաների ներգրավման նպատակով:
