Պաշտոնական էլ. փոստ
(միայն www.e-citizen.am համակարգով ծանուցումների համար)
Տպել
Նորություններ
Գյուղնախարարն այցելեց Շիրակի մարզ
02.07.2014
Հունիսի 30-իերեկոյանտեղացածկարկտահարության պատճառով լրիվ կամ մասնակի վնասվել է Շիրակիմարզի թվով 14 համայնքների ցանքատարածություններ:Հուլիսի մեկին Շիրակի մարզպետ Ֆելիքս Ցոլակյանի հանձնարարականով ստեղծվել է վնասի չափերն ուսումնասիրող հանձնաժողով: Հանձնաժողովի անդամները` Շիրակի մարզպետարանի աշխատակազմի բնապահպանության և գյուղատնտեսության վարչության պետ Մովսես Մանուկյանի գլխավորությամբ, եղել են բոլոր տուժված համայնքներում` նախնական ուսումնասիրություններ անցկացնելու նպատակով: Ըստ նախնական տվյալների հիմնականում վնասվել են հացահատիկային կուլտուրաները՝մոտ 1500-2000 հա:
Այսօր` հուլիսի 2-ին վնասներ կրած համայնքներ այցելեցին Շիրակի մարզպետ Ֆելիքս Ցոլակյանն ու գյուղատնտեսության նախարար Սերգո Կարապետյանը: Հայրենյաց, Հայկասար, Տուֆաշեն համայնքների բնակիչների հետ զրուցելուց, նրանց մտահոգող հարցերին պատասխանելուց զատ, մարզպետն ու գյուղնախարարը եղան նաև Հայրենյաց, Հայկասար, Տուֆաշեն, Պեմզաշեն, Ձորակապ համայնքների ցանքատարածություններում, ծանոթացան ցանքերի վիճակին:
<Ես իսկապես ցավում եմ, որ շիրակցին այսքան դժվարությամբ հող է մշակել, բայց այսօր կորցրել է բերքը, մենք ամեն ինչ անելու ենք հոգսաշատ գյուղացու հոգսը փոքր ինչ թեթևացնելու համար, իսկ իմ կողմից խոստանում եմ, որ առաջին իսկ հանարավորության դեպքում այս տարածաշրջանում հակակարկտային կայանների տեղադրման խնդիրը լուծել>,- կարկուտից տուժված համայնքաբնակների հետ զրույցում նշեց Շիրակի մարզպետը:
Գյուղնախարարն ու Շիրակի մարզպետը պայմանավորվածություն ձեռք բերեցին, որ նախարարության, մարզպետարանի և համայնքապետարանի ներկայացուցիչներից կազմված խումբը առանձին-առանձին կուսումնասիրի ցանքատարածությունները և կտա համապատասխան եզրակացություն: Գյուղատնտեսության նախարարն էլ ընդգծեց, որ իրավիճակի մասին կզեկուցի ՀՀ վարչապետին, վնասների մասին ստացված եզրակացություններից ելնելով էլ յուրաքանչյուր հողօգտագործողի կցուցաբերվի անհատական մոտեցում: Ըստ Սերգո Կարապետյանի խոսքը հատկապես վերաբերում է բանկերում մեծ չափով վարկեր ունեցող գյուղացիներին:
