Շիրակի մարզպետի աշխատակազմ

 

Հարգելի հայրենակիցներ. 

 

Ընդունեք իմ ամենաջերմ շնորհավորանքներն ու բարեմաղթանքները Հայաստանի Հանրապետության Անկախության 23-րդ տարեդարձի կապակցությամբ:

Անկախության ճանապարհը դյուրին չեղավ մեզ համար: Շատ ու շատ հայորդիներ նահատակվեցին հանուն ազատության ու անկախության գաղափարի: Այսօր անուն առ անուն հիշենք մեր ժողովրդի լավագույն զավակներին, ովքեր այդ սուրբ պայքարին նվիրաբերեցին իրենց կյանքը:

Մեր երկիրը, որդեգրելով ժողովրդավարությունն ու համամարդկային արժեքները, ընտրել է աշխարհի քաղաքակիրթ պետությունների ու ժողովուրդների հետ համաքայլ ընթանալու, մեր հասարակության համար գոյության ու ապագայի հուսալի երաշխիքներ ստեղծելու ճանապարհը:

Համոզված եմ, որ անցած դժվարին ճանապարհի ձեռքբերումները միասնական ջանքերով մենք կկարողանանք պահպանել, դրանց հավելել նորերը և դիմակայել բոլոր մարտահրավերներին և էլ ավելի շենացնել ու հզորացնել մեր երկիրը:

Հարգելի շիրակցիներ, կրկին  շնորհավորում եմ բոլորիս անկախության 23-րդ տարեդարձի առթիվ, ցանկանում խաղաղություն, երջանկություն, տոկունություն` հանուն մեր անկախ Հայաստանի զարգացման ու հզորացման:

 

ՇԻՐԱԿԻ ՄԱՐԶՊԵՏ`                                                    ՖԵԼԻՔՍ ՑՈԼԱԿՅԱՆ