Շիրակի մարզպետի աշխատակազմ

Հարգելի ուսուցիչներ.

Ի սրտե շնորհավորում եմ ձեզ ավանդաբար նշվող ձեր մասնագիտական տոնի՝ ուսուցչի օրվա կապակցությամբ:

Մեր պատմության ողջ ընթացքում հայ ժողովուրդը խորին հարգանքով է արտասանում ,,Ուսուցիչ,, բառը, ինչը խոսում է դարեր ի վեր ուսուցչի մասնագիտության հանդեպ մեր ազգի ունեցած անսահման սիրո և հարգանքի մասին:

Դուք ձեր ուսերին եք կրում մեր հայրենիքի պաշտպան հայորդիների կրթության ու դաստիարակության հայրենանվեր գործը, շարունակում եք լավագույն ավանդույթները փոխանցել ձեր սաներին, նրանց հոգիներում արմատավորել ազնիվն ու բարին, ճշմարիտն ու գեղեցիկը:

Մարզի դպրոցականների հաջողությունները հանրապետական և միջազգային առարկայական մրցույթներին անխոս վկան են մեր ուսուցչական բարձրորակ կադրերի, կրթադաստիարակչական ավանդույթների ու նաև կրթական համակարգն արդի, ազգային դպրոցին ներկայացվող պահանջներին համապատասխանեցնելու մասին:

Սիրելի ուսուցիչներ, կրկին շնորհավորելով ձեզ այս գեղեցիկ օրվա առթիվ, մաղթում եմ քաջառողջություն, երջանկություն և հաջողություն` սերունդ կրթելու Ձեր պատվավոր առաքելության մեջ:      

 

 

                         ՇԻՐԱԿԻ ՄԱՐԶՊԵՏ`                 Ֆ. ՑՈԼԱԿՅԱՆ