Շիրակի մարզպետի աշխատակազմ

Հոկտեմբերի 19-ին Շիրակի մարզի Հովտաշենի համայնքում տեղի ունեցավ համայնքի ղեկավարի ընտրություն:

Շիրակի մարզի թիվ 36/1 ընտրատարածքի Հովտաշենի համայնքի ղեկավարի  թեկնածու  են առաջադրվել անկուսակցական Արսենը Լիովնիկի  Եղոյանը և ՀՅԴ անդամ, ինքնառաջադրված, համայնքի գործող ղեկավար Սեյրան Հակոբի Փիլոսյանը:

Հովտաշենի համայնքի ընտրողների թիվը 260 հոգի է, գրանցված և քվեաթերթիկ ստացած քվեարկության մասնակիցների թիվը, ըստ ստորագրությունների՝ 193, անվավեր քվեաթերթիկների թիվը՝ 5:

Ըստ նախնական տվյալների Արսենը Լիովնիկի  Եղոյանի օգտին կողմ են քվեարկել 55 ընտրող, գործող գյուղապետ Սեյրան Հակոբի Փիլոսյանի օգտին՝ 133-ը:

Հոկտեմբերի 19-ին Շիրակի մարզի Լուսակերտ համայնքում տեղի ունեցավ համայնքի ղեկավարի ընտրություն:

Շիրակի մարզի թիվ 36/1 ընտրատարածքի Լուսակերտի համայնքի ղեկավարի  թեկնածու  են առաջադրվել համայնքի գործող գյուղապետ, ՕԵԿ անդամ, ինքնառաջադրված Սամվել Սասունիկի Բալաբեկյանը և անկուսակցական Մուրադ Ոսկանի Ոսկանյանը:

Լուսակերտի համայնքի ընտրողների թիվը 487 հոգի է, գրանցված և քվեաթերթիկ ստացած քվեարկության մասնակիցների թիվը, ըստ ստորագրությունների՝ 342, անվավեր քվեաթերթիկների թիվը՝ 3:

Ըստ նախնական տվյալների համայնքի գործող ղեկավար Սամվել Սասունիկի Բալաբեկյանի օգտին կողմ են քվեարկել 254 ընտրող, Մուրադ Ոսկանի Ոսկանյանի օգտին՝ 85-ը:

Հոկտեմբերի 19-ին Շիրակի մարզի Արևիկի համայնքում տեղի ունեցավ համայնքի ղեկավարի ընտրություն:

Շիրակի մարզի թիվ 35/1 ընտրատարածքի Արևիկի համայնքի ղեկավարի  թեկնածու  են առաջադրվել անկուսակցական Դավիթ Արմենակի Թումիկյանը և համայնքի գործող ղեկավար, ՀՀԿ անդամ, կուսակցությունից առաջադրված Գարեգին Հովհաննեսի Ստեփանյանը:

Արևիկի համայնքի ընտրողների թիվը 1372 հոգի է, գրանցված և քվեաթերթիկ ստացած քվեարկության մասնակիցների թիվը, ըստ ստորագրությունների՝ 858, անվավեր քվեաթերթիկների թիվը՝ 19:

Ըստ նախնական տվյալների Դավիթ Արմենակի Թումիկյանի օգտին կողմ են քվեարկել 358 ընտրող, գործող ղեկավար Գարեգին Հովհաննեսի Ստեփանյանի օգտին՝ 481-ը: