Շիրակի մարզպետի աշխատակազմ

Վերանորոգումից ու վերակառուցումից հետո հոկտեմբերի 30-ին Շիրակի մարզի Արթիկի տարածաշրջանի Անուշավան համանքի բնակիչների համար վերաբացվեց Սուրբ Նշան՚ եկեղեցի-մատուռը:

Արթիկի թեմի առաջնորդ Տ.Հովակիմ եպիսկոպոս Մանուկյանի ձեռամբ օծվեց  ՙՍուրբ Նշան՚ մատուռի խաչը, մատուռի մկրտության ավազանը ինչպես նաև բակի խաչքարը:  Օծվելուց հետո խաչը տեղադրվեց մատուռին:

Մատուռի օծման արարողության ներկա էին Շիրակի մարզպետի տեղակալ Սեյրան Պետրոսյան, մարզային իշխանության ներկայացուցիչներ, համայնքապետեր, գյուղի ազգաբնակչությունը:

Սուրբ Նշանի նորոգման աշխատանքները մեկնարկել էին շուրջ վեց ամիս առաջ՝ անուշավանցիների հանգանակած միջոցների հաշվին: Գյուղը մինչ  խորհրդային տարիները ունեցել է մեծ եկեղեցի, որը 1937 թվականին քանդվել է հիմնովին: Սակայն անուշավանցիների համար, որպես աղոթատեղ, ծառայել է 12-13-րդ դարերում կառուցված սրբատեղ-մատուռը, որի բակում էլ ամփոփված է Սուրբ Նշան Զորավորը: Մատուռը պատմամշակությաին արժեք ներկայացնող կառույց է Համայնքի ղեկավար   Երվանդ Հակոբյանը վստահ է այս փոքրիկ մատուռ-եկեղեցին էլ ավելի է նպաստելու գյուղաբնակների հավատքի ամրապնդմանը:  <ՙՍուրբ Նշան՚-ը նախապես եղել է փոքրիկ գետնափոր-մատուռ, որը 1967 թվականին մասնակի վերանորոգվել էր, սակայն 1988 թվականի երկրաշարժի պատճառով, նորից վերականգման  կարիք  ուներ>,ասաց Երվամդ Հակոբյանը:

Անուշավանցիներին շնորհավորեց ու ողջունեց  նաև Շիրակի մարզպետի տեղակալ Սեյրան Պետրոսյանը, խոսքում նշելով, որ այսօրինակ ձեռնարկները բացի նրանից, որ ողջունելի են, այլև ուրախացնող բոլորի համար: