Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Խաչքարի բացման արարողություն Ձիթհանքովի համայնքում
16.04.2015
Ապրիլի 16-ին Շիրակի մարզի Ձիթանքով համայնքում տեղի ունեցավ Հայոց Ցեղասպանության 100-ամյա տարելիցին նվիրված խաչքարի բացման արարողություն:
Եղեռնի տարիներին թուրք ասկյարները մոտակա յոթ տարբեր գյուղերից հավաքել են տղամարդկանց, որոնց մի մասին գնդակահարել, իսկ մյուսներին`փամփուշտները խնայելու համար, լցրել են Ձիթանքովի մարագները և այրել:
Խաչքարը տեղադրվել է համայնքի միջոցների հաշվին բարեկարգված տարածքում: Հուշակոթողի բացմանը մասնակցում էին ՀՀ Շիրակի մարզպետ Ֆելիքս Ցոլակյանը, ՀՀ ԱԺ պատգամավոր Աղվան Վարդանյանը, մարզպետի խորհրդական Հասմիկ Կիրակոսյանը, Շիրակի նախկին մարզպետ Ռոմիկ Մանուկյանը, ինչպես նաև թեմի եկեղեցականներ:
Ելույթ ունեցան ՀՀ Շիրակի մարզպետ Ֆելիքս Ցոլակյանը, Ձիթանքով համայնքի ղեկավար Հովիկ Պողոսյանը: Համայնքի միջնակարգ դպրոցի աշակերտներն իրենց պատրաստած գեղարվեստական մասով հուզեցին և ոգևորեցին ներկաներին:
