Նորություններ
,,Փյունիկ,, հկ-ի ծրագրին մասնակցել են 120 երեխա
05.05.2015
Մայիսի 5-ին Գյումրիի տեղեկատվական տեխնոլոգիաների կենտրոնում տեղի ունեցավ Փյունիկ հկ -ի կազմակերպած հավաստագրերի հանձնման արարողություն, որը նվիրված էր կազմակերպության կողմից 2014 - 2015թթ իրականացված համակարգչային և մարդու իրավունքների 4 ամսյա ծրագրային դասընթացի ավարտին: Ծրագրին մասնակցել են հաշմանդամություն ունեցող և սոցիալապես անապահով 120 շահառուներ Գյումրիից և Շիրակի տարածաշրջանի գյուղերից: 2014 թվականի առաջին փուլի ավարտին 60 շահառուներ ստացան վկայականներ: Այսօր ծրագրի վերջին օրն էր և մշակութային միջոցառումով վկայականներ հանձնվեց մնացած 60 շահառուներին:
Միջոցառմանը մասնակցում էին ՀՀ Շիրակի մարզպետի տեղակալ Հարություն Արշակյանը, Գյումրու քաղաքապետի տեղակալ Վաղինակ Մխիթարյանը, ԱՄՆ դեսպանատան հասարակայնության հետ կապերի բաժնի պետ Ժակլինը, հկ ներկայացուցիչներ: Միջոցառման կազմակերպիչներին, հովանավորներին և մասնակիցներին շնորհավորեցին մարզպետի, քաղաքապետի տեղակալները, ԱՄՆ դեսպանատան ներկայացուցիչնը, կենտրոնի տնօրենը: Մասնակիցներին վկայականները հանձնեց Ժակլինը: Միջոցառման ավարտին Փյունիկ կենտրոնի սաները ներկայացրեցին փոքրիկ երաժտական համարներ: