Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շիրակի մարզպետն ընդունեց ԱՄՆ դեսպան Ռիչարդ Միլսին
21.05.2015
Մայիսի 21-ին Շիրակի մարզպետն ընդունեց ճանաչողական այցով Գյումրի ժամանած ԱՄՆ դեսպան Ռիչարդ Միլսին: Ֆելիքս Ցոլակյանը նախ ողջունեց նորանշանակ դեսպանին նշանակման կապակցությամբ, ապա ներկայացրեց մարզի վերաբերյալ տեղեկատվություն: Ռիչարդ Միլսը մարզպետին շնորհակալություն հայտնեց ընդգրկուն և համակողմանի տեղեկատվության համար, այնուհետ նշեց, որ ինքն ուրախ է, որ բոլորովին վերջերս Հայաստանն ու ԱՄՆ-ը առևտրի և ներդրումների մասին համաձայնագիր են ստորագրել, որի շրջանակներում երկու երկրների կառավարությունների ուշադրության կենտրոնում են լինելու առևտրաշրջանառության հետ կապված խնդիրներն ու բարդրությունները: Հանդիպման ավարտին կողմերը փոխանակվեցին հուշանվերներով և հույս հայտնեցին, որ հանդիպումներն ու երկխոսությունները հաճախակի կլինեն, ինչը կնպաստի փոխգործակցության ամրապնդմանը:
