Շիրակի մարզպետի աշխատակազմ

 Օգոստոսի 14-ին Արթիկի տարածաշրջանի Անուշավանի  համայնքում, բնության տարերքից պաշտպանվելու  նպատակով, տեղադրվեց հակակարկտային երեք նոր կայան, որից երկուսը` ՀՀ կառավարության տրամադրած հրատապ աջակցության ծրագրի ֆինանսական աջակցությամբ, մեկը` համայնքային բյուջեի հաշվին: Այն լրացնում է  Արթիկի տարածաշրջանում գործող հակակարկտային կայանների արդյունավետությունը: Յուրաքանչյուր կայանի արժեքը կազմում է 3500-4 մլն դրամ, որոնք տեղադրված են միմյանցից 1կմ հեռավորության վրա: Ինչպես նշեց  համայնի ղեկավար Երվանդ Հակոբյանը. ,,Սա  կարկտաբեր ամպի հարավային ճակատն է, որը փակում է  ոչ միայն Անուշավան համայնքը, այլ նաև Գետափ, Սպանդարյան, Մեղրաշեն համայնքները: Այս համակարգը կարևոր հանգույց է, և Մեղրաշեն համայնքի հակակարկտային կայանի հետ կազմում է ցանց:,,  Ներկայումս մարզում կա 58 հակակարկտային կայան, որից 30-ը  սահմանամերձ գոտում է ,  մինչդեռ , միայն սահմանամերձ գոտում   պահանջվում է 60 հակակարկտային կայան` մարզի տարածք  հիմնականում կարկտաբեր ամպերը ներթափանցում են  այդ հատվածից: