Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Զինծառայողների հերթական հանդիպումը ծնողների հետ
05.10.2015
Հոկտեմբերի 5-ին Գյումրու Հոկտեմբեր կ/թ դահլիճում, ՊՆ-3 բանակային կորպուսի հրամանատար գնդապետ Օնիկ Գասպարյանի գլխավորությամբ, տեղի ունեցավ հայոց բանակում իրենց լավագույնը դրսևորած զինծառայողների հերթական հանդիպումը վերջիններիս ծնողների և հարազատների հետ: Հանդիպմանը մասնակցում էին ոչ միայն մարզից զորակոչված զինծառայողների ծնողները, այլև հայրենիքի պաշտպանի կոչումը պատվով կրող 3-րդ բանակային կորպուսի ենթակա զորամասերում իրենց ծառայությունը կատարող Շիրակի մարզից զորակոչված լավագույն զինվորները: Հանդիպմանը ներկա էր Շիրակի մարզպետ Ֆելիքս Ցոլակյանը: Նա ողջունեց նախաձեռնությունը, կարևորեց նմանատիպ հանդիպոււմները. ,,Տղան պետք է ծառայի բանակում, մեր ժամանակ` նկատի ունեմ խորհրդային տարիներին, եթե տղան չէր ծառայում բանակում, աղջիկ չէին տալիս, հիմա դուք այդ խնդիրը լուծել եք, մնում է խաղաղություն լինի մեր երկրին, ամենավատ խաղաղությունը ամենալավ կռվից լավ է, սա միշտ հիշեք,, իր խոսքում նշեց մարզպետը: Ներկաներին ողջունեց նաև Գյումրու քաղաքապետ Ս. Բալասանյանը: ՊՆ-3-րդ բանակային կորպուսի հրամանատար գնդապետ Օնիկ Գասպարյանը հուշանվերներ ստացավ Շիրակի մարզպետի և Գյումրու քաղաքապետի կողմից: Պարգևատրվեցին նաև լավագույն զինծառայողները: Միջոցառման ընթացքում հնչեցին համերգային կատարումներ:
Հուսանք` բանակ-հասարակություն կապն առավել ամրապնդելու նպատակով ՀՀ պաշտպանության նախարարության նախաձեռնությամբ այս գեղեցիկ ավանդույթը շարունակական կլինի:
