Շիրակի մարզպետի աշխատակազմ

Մամուլի բնագավառի հարգելի աշխատողներ.

Ընդունեք իմ ջերմ շնորհավորանքները Ձեր մասնագիտական տոնի`Մամուլի օրվա կապակցությամբ:

Ձեր տոնը ևս մեկ առիթ է հիշելու լրագրողական աշխատանքի կարևորության մասին: Այսօր, խիստ կարևորվում և արժևորվում է մամուլի դերը քաղաքացիական հասարակության կայացման,  հասարակական կարծիքի ձևավորման գործում:

Կարող ենք վստահ ասել, որ ժողովրդավարության ուղիով ընթացող մեր երկրում այսօր մամուլը կայացած կառույց է, որի շնորհիվ մեր ժողովուրդն անհրաժեշտ տեղեկատվություն է ստանում ինչպես մեր երկրում,այնպես էլ աշխարհում տեղի ունեցող յուրաքանչյուր իրադարձության վերաբերյալ:

Մամուլի հարգելի աշխատակիցներ.

Օգտվելով առիթից մաղթում եմ Ձեզ քաջառողջություն և մասնագիտական գործունեության մեջ նորանոր ստեղծագործ հաջողություններ:

                Ամենաջերմ բարեմաղթանքներով
                                                                               

ՇԻՐԱԿԻ ՄԱՐԶՊԵՏ`                                ՖԵԼԻՔՍ   ՑՈԼԱԿՅԱՆ