Շիրակի մարզպետի աշխատակազմ

Ապրիլի 1-ին Շիրակի մարզպետի աշխատասենյակում տեղի ունեցավ քաղաքացիների ընդունելություն: Նախապես հերթագրված 7 քաղաքացիների փոխարեն, ընդունելության էին եկել 15-ը: Պարոն Սիմոնյանը հերթով լսեց քաղաքացիների կողմից բարձրացված հարցերը և տվեց համապատասխան հանձնարարականներ` ընդունելությանը մասնակից քաղաքաշինության բնակարանային ենթակառուցվածքների գործունեության, իրավաբանական և հասարակայնության հետ կապերի բաժինների պետերին: Քաղաքացիների ընդունելությանը մասնակցում էր նաև փոխմարզպետ Սեյրան Պետրոսյանը: Մարալիկ համայնքի բնակիչների բնակարանային հարցերի հետ կապված` ընդունելությանը մասնակցեց նաև Մարալիկի քաղաքապետ Արտակ Գևորգյանը: Տրված հանձնարարականների մի մասն արդեն իսկ կատարվեցին  քաղաքացիների ընդունելության ավարտին, մնացած` լրացուցիչ ուսումնասիրություն պահանջող հարցերի պատասխանները կտրվեն վերջնական լուծում ստանալուց հետո: