Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Ոստիկանության հենակետի բացում Գյումրիում

25.04.2016

 Ապրիլի 25-ին Գյումրու Տրդատ Ճարտարապետ փողոցում` Ֆրանսիական պուրակի հարևանությամբ, շահագործման հանձնավեց ՀՀ ոստիկանության Շիրակի մարզային վարչության Գյումրի քաղաքի Մուշի բաժնի համայնքային ոստիկանության հենակետը: Միջոցառմանը մասնակցում էին ՀՀ փոխոստիկանապետ, ոստիկանության գնդապետ Ա. Համբարյանը, ՀՀ ոստիկանության Շիրակի մարզային վարչության պետ, ոստիկանության գնդապետ Ս. Մարտիրոսյանը, Շիրակի փոխմարզպետ Ս. Պետրոսյանը, Գյումրու քաղաքապետ Ս. Բալասանյանը, համատիրության ներկայացուցիչներ, բնակիչներ: Ժապավենը կտրելուց հետո միջոցառման մասնակիցները շրջեցին նորաբաց հենակետում, ծանոթացան շենքային պայմաններին: ՀՀ փոխոստիկանապետն իր գոհունակությունը հայտնեց կատարված աշխատանքի կապակցությամբ, կարևորեց հենակետի առկայությունը բնակչության սպասարկման որակի բարձրացման տեսանկյունից, ինչը հենց իրականացվում է ոստիկանության բարեփոխումների ծրագրերի շրջանակում: Տեխնիկապես հագեցված հենակետի աշխատանքները հավուր պատշաճի կազմակերպելու նպատակով հենակետին հատկացվել է նաև մարդատար մեքենա, որի բանալիները փոխոստիկանապետը հանձնեց հենակետի պատասխանատու, ոստիկանության մայոր Ա. Մարգարյանին: Հենակետի բացման կապակցությամբ բնակչության անունից իրենց շնորհակալությունը հայտնեցին փոխմարզպետը, քաղաքապետը, համատիրության ղեկավարը և բնակիչները: Հենակետի մոտ ՀՀ փոխոստիկանապետը և ոստիկանության Շիրակի մարզային վարչության պետն իրականացրին ծառատունկ:

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-06-27 17:52:55