Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Քննարկում սոցիալական համագործակցության շրջանակներում
19.05.2016
Մայիսի 19-ին տարածքային մակարդակում սոցիալական համագործակցության համաձայնագրի կնքման և դրա շրջանակում համակարգող խորհրդի ձևավորման աշխատանքներին մեթոդական և գործնական աջակցություն տրամադրելու նպատակով ՀՀ Շիրակի մարզպետարանում անցկացվեց աշխատանքային սեմինար-քննարկում` ՀՀ աշխատանքի և սոցիալական հարցերի նախարարության աշխատակազմի սոցիալական աջակցության վարչության պետ Աստղիկ Մինասյանի և նախարարության աշխատակիցների մասնակցությամբ:
Սեմինար-քննարկմանը ներկա էին ՀՀ Շիրակի մարզպետարանի աշխատակազմի առողջապահության և սոցիալական ապահովության, տեղական ինքնակառավարման և հանրապետական գործադիր մարմինների հարցերով վարչությունների, ընտանիքի, կանանց և երեխաների իրավունքների պաշտպանության բաժնի մասնագետները, մարզի սոցիալական աջակցության տարածքային գործակալությունների (բաժինների), սոցիալական ապահովության և զբաղվածության տարածքային կենտրոնների պետերը, ոստիկանության աշխատակիցները և մարզի հասարակական կազմակերպությունների ներկայացուցիչները: Սեմինարի ընթացքում քննարկվեցին տարածքային մակարդակում սոցիալական համագործակցության համաձայնագրի ընդունման ընթացակարգի և տարածքային մակարդակում կնքված սոցիալական համագործակցության համաձայնագրի համաձայն ձևավորվող համակարգող խորհրդի գործունեության վերաբերյալ հարցեր:Քննարկման ավարտին հարց ու պատասխանի միջոցով ոլորտների պատասխանատուները հստակեցրեցին իրենց հուզող խնդիրները և դրանց վերաբերյալ լուծումներ գտնելու ուղիները:
