Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ՈՒՂԵՐՁ ՀԱՆՐԱՊԵՏՈՒԹՅԱՆ ՏՈՆԻ ԱՌԹԻՎ

28.05.2016

 Հարգելի հայրենակիցներ.
Շնորհավորում եմ բոլորիս Հանրապետության տոնի կապակցությամբ:
Հայ ժողովրդի պատմության մեջ մայիս ամիսը եղավ և մնաց հաղթանակների ամիս: Մայիսյան հերոսամարտերն ապացուցեցին, որ հանուն անկախության և ազատ ապրելու վեհ գաղափարի Հայ ժողովուրդը կարող է պայքարել և հաղթահարել ցանկացած դժվարություն, ինչն իրենց կյանքի գնով ապրիլյան քառօրյա պատերազմի օրերին ապացուցեցին մեր հերոս հայորդիները: Այսօրվա սերունդը մեկ անգամ ևս փաստեց, որ իր նախնիների արժանի ժառանգն է:
Բաշ-Ապարանի, Սարդարապատի, Ղարաքիլիսայի և Սոգըթլուի հերոսամարտերը, հաղթական մայիսի 28-ը հայոց պատմության այն շրջադարձային էջերից էին, որոնք դարձան մեր ժողովրդի` իր իսկ հայրենիքում ազատ և անկախ ապրելու, պետականություն ունենալու դարավոր երազանքի իրականացումը:
Ցավոք, անկախության ճանապարհը դյուրին չեղավ մեզ համար: Այսօր մենք արժանին ենք հատուցում մեր ժողովրդի լավագույն զավակներին, ովքեր անկախության սուրբ պայքարին նվիրաբերեցին իրենց կյանքը:
Հավերժ փառք նրանց հիշատակին:
Շնորհավորելով բոլորիս Հանրապետության տոնի առթիվ` մաղթում եմ խաղաղություն, երջանկություն, ստեղծագործ աշխատանք` հանուն անկախ Հայաստանի հզորացման:
Ամենաջերմ բարեմաղթանքներով`

                                                                                      ՀՈՎՍԵՓ ՍԻՄՈՆՅԱՆ

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-07-15 10:31:07