Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Ռուսատանի օրերը Հայաստանում

20.08.2016

Օգոստոսի 20-ին Գյումրիում ,,Ռուսական հոգևոր-մշակութային օրերը Հայաստանում,, ծրագրի շրջանակում տեղի ունեցան մի շարք միջոցառումներ, որի մեկնարկը տրվեց ,,Պատվո բլուր,, հուշահամալիրի մոտ: Միջոցառմանը ներկա էին ՀՀ Շիրակի մարզպետ Հովսեփ Սիմոնյանը, Գյումրու քաղաքապետ Սամվել Բալասանյանը ՀՀ-ում ՌԴ արտակարգ և լիազոր դեսպան Իվան Վոլինկինը, Գյումրիում ՌԴ հյուպատոս Եվգենի Կոնիշևը: Այդ նպատակով Գյումրի էր ժամանել նաև Սանկտ Պետերբուրգի հոգևոր երգչախումբը:Ներկաները ծաղկեպսակներ դրեցին հուշահամալիրի մոտ` ի հիշատակ հայկական հողում ամփոփված ռուս զինվորների: Արարողության սկզբում հնչեցին երկու երկրների օրհներգերը, վերջում հնչեց հոգեհանգստի աղոթք: ,,Ռուսական օրերը Հայաստանում,, միջոցառումների շարքը շարունակվեց Գյումրու Հայորդյաց տանը` ,,Եկեղեցական ճարտարապետություն,, խորագիրը կրող գրաֆիկական աշխատանքների ֆոտոցուցահանդեսով. աշխատանքները բերվել էին ռուսական գիտության և մշակույթի կենտրոնի ֆոնդից: Այնուհետև Սանտկ-Պետերբուրգի երգչախումբի կատարմամբ տեղի ունեցավ համերգ: Հնչեցին ռուս հոգևոր երաժշտություն և երիտասարդ հեղինակների ռուսական ժողովրդական ստեղծագործություններ, ինչպես նաև երգեր` նվիրված Հայրենական Մեծ պատերազմին: Հավելենք , որ միջոցառումն անցկացվում էր Ռուսաստանի և Հայաստանի մշակույթի նախարարությունների համատեղ ջանքերով:

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-04-21 17:20:29