Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Ծառատունկ Գյումրու Հաղթանակի այգում
29.04.2017
Ապրիլի 29-ին Գյումրու Հաղթանակի զբոսայգում տեղի ունեցավ ծառատունկ, որին մասնակցում էին Շիրակի մարզպետը, տեղակալները, մարզպետարանի վարչությունների և բաժինների պետերը, Գյումրու քաղաքապետարանի աշխատակազմը, քաղաքացիներ, ԶԼՄ ներկայացուցիչներ: Ծառատունկին մասնակցելուց հետո լրագրողների հետ զրույցի ընթացքում մարզպետն ասաց.- ,,Շատ եմ կարևորում ծառատունկը, այն խիստ անհրաժեշտ է հատկապես մեր քաղաքի համար. պատկերացրեք, ամեն տարի բավականին ծառեր են տնկվում, սակայն, խնդիրը միայն ծառ տնկելը չէ, այն պետք է խնամել, ջրել, պատվաստումներ կատարել, նոր միայն տնկված ծառը կունենա հետագա լավ աճ,, : Ծառատունկի մասնակիցները հույս հայտնեցին, որ հետևողական խնամք տանելու դեպքում, իրոք այդ տնկիները տարիներ անց կծառայեն իրենց նպատակին: Նշենք նաև, որ այգում կան շուրջ 70 տարվա հաստաբուն ծառեր, որոնց մեծ մասն արդեն ենթակա են սանիտարական հատման:
