Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
ՌԴ մշակութային միջոցառումներին ընդառաջ
14.06.2017
Հունիսի 14-ին ՀՀ Շիրակի մարզպետ Արթուր Խաչատրյանը հանդիպեց Գյումրիում տեղակայված 102-րդ ռազմաբազայի հրամանատարի ժամանակավոր պաշտոնակատար գնդապետ Ալեքսեյ Պոլյուխովիչի, հրամանատարի օգնական գնդապետ Աշոտ Կարապետյանի հետ: Պարոն Պոլյուխովիչը նախ շնորհավորեց պարոն Խաչատրյանին մարզպետի պաշտոնում նշանակվելու կապակցությամբ, ապա ներկայացրեց հունիսի 17-ին Գյումրիում ՌԴ Զինված ՈՒժերի անձնակազմի հետ տարվող աշխատանքների գլխավոր վարչության կողմից կազմակերպվելիք մշակութային միջոցառման որոշ մանրամասներ: Մշակութային ծրագրի շրջանակներում Հայաստան կժամանեն ԲԿՄ ակումբի հանրահայտ մարզիկներ, թատրոնի և կինոյի, կրկեսի դերասաններ, էստրադային երգիչ երգչուհիներ, ,,Ֆորպոստ,, և ,,Չյորնիե բեռետի,, էստրադային համույթները: Հյուրերը կայցելեն Գյումրու ,,Սև բերդ,, , ,,Պատվո բլուր,, հուշահամալիր, կայցելեն Գյումրու 102-րդ ռազմաբազա: Ծրագրի կազմակերպիչների և պատասխանատուների վստահեցմամբ` Երևանում և Գյումրիում անցկացվելիք մշակութային ծրագրերը հետաքրքրություն կառաջացնեն և բավականություն կպատճառեն մայրաքաղաքի և Գյումրու բնակչությանը:
