Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Շիրակի մարզում էր Տարածքային կառավարման և զարգացման նախարարաը

19.06.2017

Հունիսի 19-ին աշխատանքային այցով Շիրակի մարզում էր ՀՀ տարածքային կառավարման և զարգացման նախարար Դավիթ Լոքյանը: Նախարարը ՀՀ Շիրակի մարզպետի տեղակալ Սեյրան Պետրոսյանի և Ամասիա համայնքի ղեկավար Ջեմմա Հարությունյանի ուղեկցությամբ այցելեց Ողջի բնակավայր, ծանոթացավ այստեղ իրականացված ծրագրերին, մասնավորապես, նախարարին տեղեկացրին, որ Ողջիում կարգավորվել է լուսավորության խնդիրը` ավելացվել է 12 ցերեկային լուսավորության կետ: Այնունետև Դ. Լոքյանը եղավ համայնքային կենտրոնում, զրուցեց բնակիչների հետ: Նախարարը համայնքի ղեկավարի ուղեկցությամբ այցելեց «Բանդիվան կաթ» ՍՊԸ, ուր նրան ներկայացվեց ընկերության աշխատանքները:
«Բանդիվան կաթը» 2007 թվականից զբաղվում է կաթի վերամշակմամբ, արտադրում է կարագ, պանիր, կաթնաշոռ: Կաթը մթերում են Ամասիայի և Աշոցքի տարածաշրջանի տնտեսություններից: Ընկերության արտադրանքն առաքվում է հանրապետության մի շարք մարզեր, ինչպես նաև Երևան: Նշենք նաև, որ «Բանդիվան կաթ» ընկերության ապխտած պանիրը միակ արտադրատեսակն է, որ արտահանվում է Իսրայել` քիչ քանակությամբ:
Այնուհետև տարածքային կառավարման և զարգազման նախարարը խորհրդակցություն անկացրեց Ամասիայի գյուղապետարանում, քննարկվեցին ընթացիկ հարցեր, նախարարին ներկայացվեց, որ Ողջիից-Ամասիա 12 կմ երկարությամբ հատվածը նորոգվել է համայնքային միջոցներով ավազակոպճային եղանակով:
Դավիթ Լոքյանն այնուհետ այցելեց Արփի համայնք, մինչ նախատեսված խորհրդակցության մեկնարկը, ծանոթացավ համայնքում նոր սպասարկման կենտրոնի շինաշխատանքների ընթացքին: Նշենք, որ աշխատանքներն իրականացվում են Գերմանիայի միջազգային համագործակցության «Համայնքների զարգացումը Հարավային Կովկասում»ծրագրի շրջանակներում:
 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-09-19 16:22:02