Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Գյումրիում բացվել է ,,Պլազա Վիկտորիա,, անունը կրող նոր հյուրանոց
27.06.2017
Հունիսի 27-ին Գյումրու Վարդանանց հրապարակում բացվել է ,, Պլազա Վիկտորիա,, հյուրանոցը: Բացման հանդիսավոր արարողությանը հիմնադիրների հետ մասնակցել են նաև Շիրակի մարզպետ Արթուր Խաչատրյանն ու Զբոսաշրջության պետական կոմիտեի նախագահ Զարմինե Զեյթունցյանը:
Շիրակի մարզպետը լրագրողների հետ զրույցում կարևորել է ձեռնարկը, նշելով, որ զբոսարջության զարգացումը Շիրակի մարզում չափազանց կարևոր է, քանի որ մարզն ու, մասնավորապես, Գյումրի քաղաքն իրապես զբոսաշրջութայն խոշոր կենտրոն դառնալու մեծ ներուժ ունեն:
,,Գյումրին ինքնատիպ կոլորիտ ու հարուստ մշակույթ ունեցող քաղաք է,
,, Պլազա Վիկտորիան,, կնպաստի քաղաքում զբոսաշրջության զարգացմանը,, ,- ասել է Զբոսաշրջության պետական կոմիտեի նախագահ Զարմինե Զեյթունցյանը:
Նշենք, որ նորաբաց հյուրանոցում այս պահին աշխատում է 25 մարդ: Այն ունի շքեղ ու հարմարավետ կահավորված 25 սենյակ` նախատեսված 40 հյուրի համար: Գործնական ու գիտական միջոցառումների համար գործում է կոնֆերանս դահլիճ, կան նաև բանակցությունների սենյակներ:
