Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Շնորհավորում ենք փայլուն հաղթանակի կապակցությամբ

23.07.2017

 Շիրակի մարզը դարձավ ՀՀ Նախագահի մրցանակի համար ,,Լավագույն մարզական ընտանիք,, 2017 թվականի մրցույթի մրցանակակիր...Շնորհավորում ենք։ Նորանոր հաջողություններ։
2017 թվականի հուլիսի 17-22-ը Ծաղկաձորի գլխավոր մարզահամալիրում անցկացվեց ՀՀ Նախագահի մրցանակի համար ,,Լավագույն մարզական ընտանիք,, մրցույթի հանրապետական եզրափակիչ փուլի մրցումը: Միջոցառմանը մասնակցում էին Երևանի, Արցախի և հանրապետության բոլոր մարզերի պատվիրակությունները: Շիրակի մարզի հավաքականում ընդգրկված էին 13 թիմ-ընտանիքներ: Ընդհանուր հաշվարկում մրցույթին մասնակից 144 թիմ-ընտանիքները մրցեցին 6-ը վարժաձևերից:
Հնգօրյա համառ պայքարից հետո մրցույթի հաղթող դարձան քաղաքամայր Երևանի, իսկ մրցանակակիրներ՝ Կոտայքի և Շիրակի մարզերի թիմերը:
Ավագ՝ 4-րդ խմբում անգերազանցելի էր գյումրեցի Հարություն Ալեքսանյանի թիմ-ընտանիքը, որը արդեն 5-րդ անգամ դարձավ մրցույթի հաղթող: Կրտսեր՝ 1-ին տարիքային խմբում լավագույնս հանդես եկավ և մրցանակային 2-րդ տեղը գրավեց Ախուրյան համայնքը ներկայացնող Արման Գեղամյանի թիմ-ընտանիքը:
Առանձին մրցաձևերում Շիրակի մարզի թիմ-ընտանիքներից հաղթողներ ճանաչվեցին բազմափորձ Լևոն Գեղամյանի/Ախուրյան/ և Արթուր Ղազարյանի/Գյումրի/ թիմ-ընտանիքները: Մրցույթին իրենց նորամուտը լավագույնս նշեց փոխգնդապետ Արսեն Ղազարյանի ընտանիքը՝ արժանանալով երկու 2-րդ մրցանակի: Բասկետբոլ և պարանի ձգում մրցաձևերում մրցանակակիրներ դարձան եղբայրներ Արտյոմ և Կարեն Ստեփանյանների թիմ-ընտանիքները:
Ընդհանուր հաշվարկում առանձին մրցաձևերում մարզի թիմ-ընտանիքները նվաճեցին երեք՝ 1-ին, ութ՝ 2-րդ և երկու՝ 3-րդ մրցանակներ:

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-11-21 18:58:21