Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

ԱՄՆ կոնգրեսականներն այցելել են Գյումրի

21.09.2017


Հայաստան ժամանած ԱՄՆ կոնգրեսականների խումբն ու «Հայաստան» համահայկական հիմնադրամի գործադիր տնօրեն Արա Վարդանյանը սեպտեմբերի 21-ին Գյումրիում էին: Շիրակի մարզպետ Արթուր Խաչատրյանի, Գյումրու քաղաքապետի տեղակալ Ռուբեն Սանոյանի ուղեկցությամբ նրանք նախ այցելեցին Գյումրու «Երեխաների տուն», ծանոթացան խնամքի կենտրոնի գործունեությանը, պայմաններին, հետաքրքրվեցին երեխաների առողջական վիճակով, նրանց ընտանիք վերադարձնելու խնդիրներով: Այնուհետև կոնգրեսականները եղան «Դեպի առաջ» երեխաների զարգացման կենտրոնում: Լրագրողների հետ զրույցում Հայաստան Համահայկական հիմնադրամի ամերկայան ատենապետ Մարիա Միհրանյանը նշեց, որ կոնգրեսականներին Գյումրի ուղեկցելու գլխավոր նպատակը այստող արդեն իրականացված աշխատանքներին ծանոթացնելն ու դեռևս չլուծված հիմնախնդիրների լուծման համար ներդրումներ ներգրավելն է. «Հայաստան Համահայկական հիմնադրամն է օժանդակել աշխատանքին, որ կոնգրեսականները եկել են Հայաստան: Նախ նրա համար որ տեսնեն ինչ է կատարվում Հայաստանում, մենք ուզում ենք որ իրենք շատ բան տեսնեն, տեղեկանան, պատկերացում կազմեն, տրամադրվածություններն առավել դրական լինի, ինչի արդյունքում նոր օժանդակություններ կուղղվեն դեպի Հայաստան»: 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2017-12-12 16:24:30