Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Արարատ Մկրտումյանի մրցանակը Լորետա Մուրադյանին
03.10.2017
Հոկտեմբերի 3-ին Գյումրու ,,Բեռլին,, հյուրերի տանը տեղի ունեցավ վաղամեռիկ գրող Արարատ Մկրտումյանի անվան Երիտասարդ գրողների ամենամյա մրցանակի հանձնման արարողությունը: Միջոցառմանը մասնակցում էին ՀՀ Շիրակի մարզպետի տեղակալ Սեյրան Պետրոսյանը, Գյումրու քաղաքապետ Սամվել Բալասանյանը, Հայաստանի Գրողների միության նախագահ Էդվարդ Միլիտոնյանը, Մկրտումյանի գրչակից ընկերները, դուստրերը և եղբայրը՝ Արթուր Մկրտումյանն, ով էլ կազմակերպել էր միջոցառումը: Ելույթներով հանդես եկան Շիրակի գրողների միության նախագահ Անդրանիկ Կարապետյանը, Գյումրու քաղաքապետ Սամվել Բալասանյանը, Հայաստանի Գրողների միության նախագահ Էդվարդ Միլիտոնյանն, ով ներկաներին պատմեց Արարատի կյանքից հիշարժան դրվագներ: Հանձնաժողովի անդամները այս անգամ որոշել էին չբավարարվել մեկ մրցանակով և բացի առաջին տեղից մրցանակներ հանձնվեցին մի շարք երիտասարդ շիրակցի գրողների: Արարատ Մկրտումյանի մրցանակը ժյուրիի որոշմամբ հանձնեցին գյումրեցի երիտասարդ շնորհաշատ գրող Լորետա Մուրադյանին / Նուրի գրական ունվամբ/, `,,Թաքնագրեր,, գրքի համար:
