Շիրակի մարզպետի աշխատակազմ

Սիրելի՛ ուսուցիչներ, սրտանց շնորհավորում եմ ձեզ մասնագիտական տոնի՝ Ուսուցչի օրվա կապակցությամբ:
Հայ ժողովուրդը խորին հարգանքով է արտասանում ուսուցիչ բառը. դա վկայում է մանկավարժի հանդեպ յուրաքնչյուրիս ունեցած անսահման սիրո, ակնածանքի, հարգանքի ու դպրոցական տարիների հետ կապված հիշողությունների մասին:
Այսօր առաջնահերթ խնդիրներից մեկը ժամանակի պահանջներին համապատասխան կրթված ու զարգացած սերունդ ունենալն է: Ինչպիսի դպրոց կունենանք առաջիկայում, այնպիսին էլ կլինի մեր վաղվա քաղաքացին, այն մեծապես կախված է ձեր ամենօրյա դժվարին և պատվաբեր աշխատանքից:
Ստեղծելով բարձրակարգ ուսման համար անհրաժեշտ պայմաններ` համոզված եմ` ցանկացած խնդիր ու դժվարություն հնարավոր կլինի հաղթահարել:
Սիրելի՛ ուսուցիչներ, հավատարիմ մնալով մեծն ուսուցչապետ Մաշտոցի ժառանգությանը` եղեք նախաձեռնող` աշակերտ կրթելու ձեր պատվավոր առաքելության մեջ:

ՇԻՐԱԿԻ ՄԱՐԶՊԵՏ՝   Ա. ԽԱՉԱՏՐՅԱՆ