Պաշտոնական էլ. փոստ
(միայն www.e-citizen.am համակարգով ծանուցումների համար)
Նորություններ
Շրջայց Գյումրիի պատմական կենտրոնում
17.11.2017
Գյումրի կատարած աշխատանքային այցի շրջանակում վարչապետ Կարեն Կարապետյանը Շիրակի մարզպետ Արթուր Խաչատրյանի ու Գյումրու քաղաքապետ Սամվել Բալասանյանի ուղեկցությամբ շրջայց կատարեց Կումայրի պատմական կենտրոնում: Գյումրու քաղաքապետարանում էլ վարչապետի գլխավորությամբ անցկացվեց խորհրդակցություն, որի ընթացքում քննարկվեց պատմական կենտրոնի զարգացման ծրագրի ընթացքը:
Մասնավորապես, վարչապետին զեկուցվեց պատմական կենտրոնի՝ Շիրազի և դրան հարակից փողոցների ենթակառուցվածքների վերականգնման ուղղությամբ նախատեսվող աշխատանքների մասին: Կարեն Կարապետյանը հանձնարարեց մեկ շաբաթ անց իրեն ներկայացնել շինաշխատանքների վերաբերյալ հստակ ժամանակացույց:
Խորհրդակցության ժամանակ անդրադարձ կատարվեց «Կումայրիի վերածնունդ» ոչ հրապարակային պայմանագրային մասնագիտացված ներդրումային ֆոնդի կողմից ներդրումների ներգրավման, կենտրոնի տարածքում առկա գույքերի ձեռք բերման, ինչպես նաև Կումայրի պատմական կենտրոնի գոտիավորման աշխատանքներին:
Կարեն Կարապետյանին պատասխանատուները զեկուցեցին նաև Վերակառուցման և զարգացման եվրոպական բանկից (ՎԶԵԲ) ներգրավված վարկային միջոցներով Գյումրիի մյուս փողոցների վերականգման աշխատանքների մասին, նշվեց, որ դրանք կմեկնարկեն առաջիկա գարնանից:
Անդրադարձ եղավ քաղաքի կանաչապատման աշխատանքներին ևս:
