Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Նորություններ

Քննարկում Շիրակի մարզպետարանում

15.02.2018

Փետրվարի 15-ին Շիրակի մարզպետի տեղակալ Հարություն Արշակյանի մոտ տեղի ունեցավ մարզի սոցիալական աջակցության տարածքային կենտրոնների կողմից 2017 թվականին իրականացված աշխատանքների ամփոփում: Քննարկմանը մասնակցում էին ՀՀ Աշխատանքի և սոցիալական հարցերի նախարարության, սոցիալական աջակցության վարչության պետ Աստղիկ Մինասյանը, վարչության աշխատակիցներ, մարզպետարանի աշխատակազմի առողջապահության և սոցիալական ապահովության վարչության պետը, սոցիալական ապահովության բաժնի պետը, մարզի սոցիալական ծառայությունների տարածքային գործակալությունների պետերը: Վերջիններս ներկայացրեցին իրենց գործակալությունների կողմից իրականացրած դեպքերի վարման աշխատանքները, անդրադարձ եղավ նաև աշխատանքներում առկա խնդիրներին: Գործընթացը նոր է, սակայն գործակալության մասնագետները անցած տարի պարբերաբար մասնակցելով տարբեր վերապատրաստման ծրագրերի, կարողացել են հաջողություններ գրանցել դեպքերի վարման գործում: Գյումրի 1 և Գյումրի 2 սոցիալական ծառայությունների տարածքային գործակալություններում գրանցվել է համապատասխանաբար 63 և 57 դեպքերի վարման գործ, Արթիկում՝ 35, Անիի տարածքային գործակալությունում` 23: Տիկին Մինասյանը կարևորեց համակարգող խորհրդին անդամագրվելու համար տարածաշրջանի սոցիալական համագործակցության համաձայնագրին միացած սոցիալական ծառայություններ տրամադրող կազմակերպությունների, ֆիզիկական անձանց և բոլոր կառույցների համագործակությունը, ինչը կարող է նպաստել աշխատանքների որակի բարձրացմանը:


 

← Վերադառնալ ցուցակին

↑ Դեպի վեր

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 17:39:09